13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
ՀՁՖ նախագահը մեդալների ակնկալիք ունի երևանյան ԵԱ-ում
17.02.2026 | 14:45
Հայաստանի հրաձգության ֆեդերացիայի նախագահ Արթուր Հովհաննիսյանը խոսել է Երևանում կայանալիք Եվրոպայի առաջնության սպասելիքներից։
«Եվրոպայի առաջնության նախապատրաստական աշխատանքներն ընթանում են լավ: Դժվարությունն արդեն հաղթահարել ենք, որը կապված է նախապատրաստական աշխատանքի հետ: Հավաքականը շարունակում է իր նորմալ նախապատրաստական աշխատանքները: Մեր ակնկալիքն է, որ Երևանում կայանալիք Եվրոպայի առաջնությունում մեդալներից անմասն չմնանք։
Ունենք միայն Երևանի հրաձգության մանկապատանեկան մարզադպրոցը, եթե կարողանանք նմանատիպ մարզադպրոցներ ունենալ նաև Գյումրիում ու Վանաձորում, շատ լավ կլինի: Եվրոպայի առաջնության մասնակիցներից մեծ ակնկալիքներ ունենք նաև Գյումրիի մարզադպրոցի սաներից։
Եվրոպայի առաջնությունը Երևանում անցկացնելով` մենք մեր ուրույն տեղը կունենանք Եվրոպական ֆեդերացիայի ընտանիքում: Սա նաև ոգեշնչող կլինի մեր երկրի համար»,- Արթուր Հովհաննիսյանի խոսքը մեջբերում է «Արմենպրես»-ը։
Հրաձգության Եվրոպայի առաջնությունը կանցկացվի փետրվարի 27-ից մարտի 5-ը Կարեն Դեմիրճյանի անվան մարզահամերգային համալիրում։ Բացման պաշտոնական արարողությունը տեղի կունենա փետրվարի 27-ին՝ ժամը 19:00-ին։ Մասնակցության հայտ են ներկայացրել ավելի քան 40 երկրի շուրջ 400 մարզիկ և մարզիչ։ Վերջնական հայտացուցակը կհաստատվի առաջիկա օրերին։ ԵԱ-ում կխաղարկվի մեդալների 70 հավաքածու։
