25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Մխիթար Հայրապետյանը մանրամասնեց՝ երբ ԱԲ գործարանը կսկսի աշխատել․ ՏԵՍԱՆՅՈՒԹ
Տնտեսություն
16.02.2026 | 14:54
Հայաստանում «Firebird» ընկերության մասնակցությամբ արհեստական բանականության տվյալային կենտրոնի նախագծի շրջանակում շինարարական աշխատանքները նախատեսվում է սկսել մոտ ժամանակներս։ Այս մասին ասուլիսում հայտարարեց ԲՏԱ նախարար Մխիթար Հայրապետյանը։
«Տարածքը, ամբողջ հողատարածքը ձեռք է բերվել ընկերության կողմից: Այս պահին, եթե չեմ սխալվում, արդեն շինթույլտվության գործընթացներն են ընթանում համայնքի հետ»,- ասաց նախարարը։
Հայրապետյանի խոսքով՝ նոր պայմանագրերի կնքման անհրաժեշտություն չկա, քանի որ ընկերությունն արդեն ունի արտահանման լիցենզիաներ և պայմանագրային հարաբերություններ գործընկերների հետ։ Նախագիծը, ըստ նախարարի, մեծ թվով աշխատատեղեր չի ստեղծի, սակայն կունենա ռազմավարական նշանակություն Հայաստանի թվային զարգացման համար։
«Ռեսուրսները կծառայեն պետական համակարգի թվային վերափոխմանը, հանրային ծառայությունների ավտոմատացմանը, գիտությանը, նորարարություններին և տեխնոլոգիական զարգացմանը»,- ասաց Հայրապետյանը։
Նախարարի խոսքով՝ նախագծի արդյունքում նախատեսվում են նաև զգալի հարկային մուտքեր պետական բյուջե։
«Մենք՝ ստեղծելով արհեստական բանականության վիրտուալ ինստիտուտը և համագործակցելով «Amazon Web Services»-ի և «Firebird»-ի հետ, այդ հաշվողական ռեսուրսները 100 տոկոսով սուբսիդավորելու ենք գիտական ու տեխնոլոգիական խմբերի համար»,- ընդգծեց Մխիթար Հայրապետյանը։
Մանրամասները՝ տեսանյութում։
