16.02.2026 | 18:02
Ռուբեն Վարդանյանի «դատավճիռը» կհրապարակվի վաղը // Ադրբեջանից ՀՀ ներկրումը հունվարին՝ շուրջ 2,5 մլն․ ԼՈՒՐԵՐ
Ինչպես կընտրվի բանկը կանխիկ եղանակով կենսաթոշակ ու նպաստ ստացողների համար․ ՏԵՍԱՆՅՈՒԹ
Հասարակություն
16.02.2026 | 12:43
Եթե անձը որևէ վճարատեսակ արդեն ստանում է բանկի միջոցով, ապա մյուս վճարատեսակը նույնպես կփոխանցվի նույն բանկով։ Իսկ եթե քաղաքացին բանկային սպասարկում չունի, բանկը կընտրվի ինքնաշխատ եղանակով՝ միասնական սոցիալական ծառայության միջոցով։
ՀՀ աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության պետ Անահիտ Գալստյանը մամուլի ասուլիսի ընթացքում նշեց, որ ընտրված բանկի մասին քաղաքացիները կտեղեկացվեն հեռախոսահամարի կամ էլեկտրոնային փոստի միջոցով։
Բացի այդ, համապատասխան հղմամբ հնարավոր կլինի նաև ծառայության կայքում՝ անձնագրային տվյալներով կամ հանրային ծառայության համարանիշով ստուգել, թե որ բանկն է ընտրվել։
Գործընթացը կսկսվի մարտի 5-ից։ Մարտի 1-ին կձևավորվեն վճարման հերթական ցուցակները, որտեղ վերջին անգամ ներառված կլինեն կանխիկ եղանակով վճարումներ ստացողները։ Այդուհետև կսկսվեն նախապատրաստական աշխատանքները, որպեսզի ապրիլից շահառուները կենսաթոշակներն ու նպաստները ստանան արդեն անկանխիկ եղանակով։
Նախարարությունից հորդորում են հնարավորինս շուտ ընտրել նախընտրելի բանկը՝ ուշացումներից խուսափելու համար։ Դիմումը կարելի է ներկայացնել ինչպես տարածքային կենտրոններում, այնպես էլ առցանց՝ socservice.am կայքի միջոցով։
Մանրամասները՝ տեսանյութում։
