10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
Ինչ կլինի, եթե հայ հասարակությունը դեմ քվեարկի նոր Սահմանադրությանը. հարց ադրբեջանցի փորձագետին. ՏԵՍԱՆՅՈՒԹ
Քաղաքականություն
14.02.2026 | 19:13
Հայ և ադրբեջանցի փորձագետների մասնակցությամբ քննարկման ժամանակ անդրադարձ է կատարվել Ադրբեջանի պահանջին՝ փոխել ՀՀ Սահմանադրությունը, և հարաբերությունների ապագային։
Պատասխանելով հարցին, թե ինչ կլինի, եթե Հայաստանի հասարակությունը դեմ քվեարկի նոր Սահմանադրությանը, ադրբեջանցի քաղաքագետ Ֆարհադ Մամեդովը նշել է, որ Բաքուն ուշադիր հետևում է Հայաստանի ներքաղաքական գործընթացներին և սպասվող խորհրդարանական ընտրություններին։
«Ադրբեջանի համար կարևոր է այն, թե ինչպես են քաղաքական ուժերը Հայաստանում իրենց ծրագրերում ձևակերպելու սեփական տեսլականը Ադրբեջանի Հանրապետության հետ հարաբերությունների վերաբերյալ։ Սա ներքին քաղաքական գործընթաց է, բայց շատ բան կախված կլինի նրանից, թե ինչ տեսք կունենա խորհրդարանը ընտրություններից հետո»,- ասել է Մամեդովը։
Նա նաև ընդգծել է հասարակությանը փոխանցվող ուղերձների և միջավայրի կարևորությունը՝ նշելով, որ աշխարհում ռազմական օջախների ավելացման ֆոնին այստեղ խաղաղության գործընթաց է ձևավորվում։
«Կրկին կարևոր է այն միջավայրը, մթնոլորտը և հասարակության մեջ հստակ ուղերձները, որոնք կա՛մ արտահայտության միջոցով են ձևակերպվում, կա՛մ մարտահրավերների միջոցով։ Սա ամենակարևոր տարրը կլինի խաղաղության օրակարգի»,- եզրափակել է ադրբեջանցի փորձագետը։
