07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Կամաց-կամաց կհասնենք նրան, որ երկու հասարակությունները լինեն ինտենսիվ երկխոսության մեջ. Նավասարդյան. ՏԵՍԱՆՅՈՒԹ
Քաղաքականություն
14.02.2026 | 18:50
Հայ և ադրբեջանցի փորձագետների մասնակցությամբ քննարկմանը Երևանի մամուլի ակումբի պատվավոր նախագահ Բորիս Նավասարդյանը համեմատականներ է անցկացրել հայ-ադրբեջանական երկխոսության նախկին և ներկա ձևաչափերի միջև։
Նավասարդյանը նկատել է, որ եթե նախկինում շփումները հաճախ փակ էին կամ զգուշավոր, ապա ներկայիս գործընթացը թափանցիկ է և միտված է մասնակիցների շրջանակի ընդլայնմանը՝ 5 հոգուց հասցնելով 20-ի և ավելիի։
«Կամաց-կամաց կհասնենք նրան, որ միգուցե իրենց պատվիրակների միջոցով երկու հասարակությունները լինեն բավականին ինտենսիվ երկխոսության մեջ։ Առանց դրա մենք շատ լավ հասկանում ենք՝ իրական հաշտություն, իրական խաղաղություն և հարաբերությունների նորմալացում չի լինում»,- նշել է փորձագետը։
Անդրադառնալով համագործակցության ոլորտներին՝ Նավասարդյանը կարևորել է բիզնեսի, բնապահպանության և հատկապես ջրային ռեսուրսների արդյունավետ կառավարման հարցերը։
«Լավագույնս դա ոչ թե պետությունները կարող են որոշել՝ ինչ կարող են առաջարկել, այլ հենց մասնավոր բիզնեսի ներկայացուցիչները, որոնք կուսումնասիրեն փոխադարձաբար շուկաները, կհասկանան՝ իսկ ի՞նչ կարելի է մատակարարել»,- ընդգծել է բանախոսը։
