07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
Բոլորին հետաքրքիր է՝ ինչ տեսք կունենա Երևանի և Բաքվի միջև խաղաղությունը.ադրբեջանցի փորձագետ. ՏԵՍԱՆՅՈՒԹ
Քաղաքականություն
14.02.2026 | 18:40
Հայ և ադրբեջանցի փորձագետների մասնակցությամբ քննարկման ժամանակ անդրադարձ է կատարվել խաղաղության գործընթացի վերաբերյալ հասարակություններին փոխանցվող ուղերձներին և ներքին աշխատանքին։
Ադրբեջանցի քաղաքագետ Ֆարհադ Մամեդովը, պատասխանելով հարցին, թե ինչ ազդակներ է փոխանցում Բաքվին, նշել է, որ թեմայի նկատմամբ հետաքրքրությունը կտրուկ մեծացել է։
«Ադրբեջանական հասարակությանը հետաքրքիր են խաղաղության պարամետրերը․ ինչո՞ւմ կկայանա Հայաստանի և Ադրբեջանի միջև խաղաղությունը, ի՞նչ տեսք կունենա։ Մենք հնարավորություն ունենք ներկայիս փուլը օգտագործել ապագան կերտելու համար»,- ասել է Մամեդովը։
Քաղաքագետ Արեգ Քոչինյանն էլ հավելել է, որ բացի հրապարակային շփումներից, կողմերը լուրջ «տնային աշխատանք» են կատարում։
«Երկու կողմերն էլ ունենում են փակ հանդիպումներ քաղաքացիական հասարակության, փորձագետների հետ։ Գործընթացը ոչ միայն այս հանդիպումների տեսքով է տեղի ունենում, այլ նաև բավականին լուրջ տնային աշխատանքի»,- եզրափակել է Քոչինյանը։
