02.07.2026 | 18:18
Եգիպտոսի նախագահը շնորհավորել է վարչապետ Փաշինյանին ընտրություններում հաղթանակի առիթով
Միլանի հայկական եկեղեցում Նիկոլ Փաշինյանին հարց ուղղած ադրբեջանցի բլոգերն ազատվել է բանտարկությունից
Քաղաքականություն
13.02.2026 | 17:26
Ադրբեջանցի բլոգեր Աթա Աբդուլլաևը, որը 7 տարվա ազատազրկման էր դատապարտվել, ազատ է արձակվել։ Խազարի շրջանային դատարանը նրան ազատել է պատժի մնացած մասը կրելուց, գրում են ադրբեջանական լրատվամիջոցները։
Աթա Աբդուլլաևը դիմել էր դատարան՝ վաղաժամկետ ազատման համար։
Աթա Աբդուլլաևը Ադրբեջանի Պետական անվտանգության ծառայության կողմից ձերբակալվել էր 2021 թվականի մարտին։ Նրան մեղադրանք էր առաջադրվել Ադրբեջանի քրեական օրենսգրքի 182.2.2 հոդվածով (շանտաժի միջոցով շորթում)։ 2021 թվականի դեկտեմբերի 28-ին դատարանը նրան դատապարտել էր 7 տարի ժամկետով ազատազրկման։ Աբդուլլաևը նաև դատապարտվել է 2004 թվականին՝ զինվորական ծառայությունից խուսափելու, իսկ 2014 թվականին՝ գողության համար։
Նշենք, որ 2019 թվականին Աբդուլլաևը Միլանի հայ առաքելական Քառասուն Մանկունք եկեղեցում հարց էր ուղղել Հայաստանի վարչապետ Նիկոլ Փաշինյանին տեղի հայկական համայնքի հետ հանդիպմանը։
Թարգմանությունը՝ Էմմա Չոբանյանի
