27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Եղիշե Մելիքյանը և Էդուարդ Սպերցյանը՝ Ազգերի լիգայի վիճակահանության մասին
13.02.2026 | 11:24
Հայաստանի ազգային հավաքականի գլխավոր մարզիչ Եղիշե Մելիքյանը և ավագ Էդուարդ Սպերցյանը մեկնաբանել են Ազգերի լիգայի վիճակահանության արդյունքները:
Եղիշե Մելիքյան․ «Գոհ ենք վիճակահանությունից: Պետք է լավ պատրաստվենք, այսօր ֆուտբոլում հեշտ մրցակիցներ չկան, և մեր խմբում էլ բոլոր թիմերը վտանգավոր են: Առջևում ընկերական խաղեր են, պետք է պատրաստվենք ու փորձենք անել առավելագույնը: Ֆուտբոլում կարևորը վստահությունն է, որը մենք զգում ենք»,
Էդուարդ Սպերցյան․ «Անհամբեր սպասում ենք պաշտոնական խաղերին: Առաջիկայում ընկերական հանդիպումներն են, որոնց միջոցով էլ կսկսենք նախապատրաստվել: Մեր նպատակը լավ պատրաստվելը և խմբում առաջին տեղը զբաղեցնելն է: Հետաքրքիր խաղեր են լինելու», հաղորդում է ՀՖՖ մամուլի ծառայությունը:
Հիշեցնենք, որ Հայաստանի հավաքականն ընդգրկվել է С լիգայի երկրորդ խմբում, որտեղ մրցակիցները կլինեն Չեռնոգորիայի ու Կիպրոսի հավաքականները և Լատվիա – Ջիբրալթար զույգի հաղթողը։
