15.08.2026 | 15:27
Փաշինյանը ծանոթացել է Կիևյան կամրջի հիմնանորոգման աշխատանքներին
Ինչ են ուզում հայ երիտասարդները․ կայացավ ԵՄ-Հայաստան երիտասարդական առաջին ֆորումը. ՏԵՍԱՆՅՈՒԹ
Հասարակություն
12.02.2026 | 20:45
«Այդ հարցը լուծում չի ստանա, իմաստ չկա բարձրաձայնելու»․ հաճախ երիտասարդներն իրենց առնչվող թեմաների մասին լռում են այսպիսի կարծրատիպերի պատճառով։ Սրապ Գևորգյանը Գյումրիի ակտիվ երիտասարդներից է, փորձում է կոտրել այդ մտածողությունը։
Սրապը տարբեր մարզերից Երևան եկած 70 երիտասարդներից մեկն է, որոնք այստեղ են՝ մասնակցելու ԵՄ-Հայաստան երիտասարդական ֆորումին։ Քննարկում են ինչպես առկա հնարավորությունները, այնպես էլ մարտահրավերները, նաև երիտասարդների դերը ԵՄ-Հայաստան համագործակցության շրջանակում։
Համաժողովը կազմակերպվել է ԵՄ պատվիրակության և ԵՄ երիտասարդական խորհրդի (YAC) կողմից՝ Հայաստանի Գյոթե ինստիտուտի հետ համագործակցությամբ։
Համաժողովին մասնակցելու համար 4 օրում ավելի քան 450 հայտ է ներկայացվել։
Երիտասարդների դերը կարևոր է որոշումների կայացման գործում՝ այն որոշումների, որոնք ձևավորում են նրանց կյանքը և Հայաստանի Հանրապետության ապագան՝ ընդգծում է ԿԳՄՍ նախարարի տեղակալ Արթուր Մարտիրոսյանը։
Պանելային քննարկման ժամանակ ԵՄ պատվիրակության ղեկավարն ու ԿԳՄՍ նախարարի տեղակալը երիտասարդ խոսնակների հետ քննարկեցին նրանց առնչվող հիմնական խնդիրներն ու մարտահրավերները։
Տեղեկատվության պակաս, ծրագրերի և հնարավորությունների մասին ոչ արդյունավետ հաղորդակցում, մարզերի և Երևանի միջև կապի ու շարժունակության խնդիրներ․ սրանք հիմնականում այն թեմաներն են, որոնք մտահոգում են ժամանակակից երիտասարդությանը։
Մանրամասները՝ տեսանյութում։
Անի Թամրազյան
