Մոսկվան ու Երևանը կբանակցեն հայկական երկաթուղու՝ Ադրբեջանին և Թուրքիային կապող հատվածների վերականգնման շուրջ. Օվերչուկ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Մոսկվան ու Երևանը բանակցություններ կսկսեն հայկական երկաթուղու՝ Ադրբեջանին և Թուրքիային կապող երկու հատվածների վերականգնման հարցով, լրագրողներին հայտնել է Ռուսաստանի փոխվարչապետ Ալեքսեյ Օվերչուկը, գրում է ՏԱՍՍ-ը։

«Հայկական կողմի դիմումի համաձայն և Հայաստանի ժողովրդի նկատմամբ բարեկամական ու եղբայրական զգացմունքների հիման վրա՝ Ռուսաստանի Դաշնությունը որոշել է բովանդակային բանակցություններ սկսել հայկական երկաթուղու երկու հատվածների վերականգնման վերաբերյալ, որոնք կապահովեն դրանց կապը Ադրբեջանի երկաթուղիների հետ Երասխ գյուղի մոտ, ինչպես նաև Թուրքիայի երկաթուղիների հետ՝ Ախուրյան գյուղի մոտ»,- նշել է նա։

ՌԴ փոխվարչապետի խոսքով՝ վերականգնվող երկաթուղային հատվածների ընդհանուր երկարությունը մոտավորապես 1,6 կմ և 12,4 կմ է: Այս նախագծի իրականացման տեխնիկական, ֆինանսական և այլ եղանակները, ինչպես սպասվում է, կորոշվեն բանակցությունների ընթացքում:

«Մենք բարձր ենք գնահատում ռուսական փորձի, գիտելիքների և տեխնոլոգիաների նկատմամբ վստահությունը, որը հայկական կողմը կրկին ցույց տվեց՝ դիմելով Ռուսաստանին: Այս հատվածների վերականգնումը Ռուսաստանի Դաշնությանը կապահովի ուղիղ երկաթուղային կապ Նախիջևանի Ինքնավար Հանրապետության, Թուրքիային՝ Միջերկրական ծովի նավահանգիստների, Իրանին՝ Պարսից ծոցի և Հնդկական օվկիանոսի նավահանգիստների հետ»,- ասել է Օվերչուկը:

Ըստ նրա՝ աշխատանքներ են տարվում Կովկասում խափանված երթուղիների վերականգնման ուղղությամբ՝ այս խոշոր մարտահրավերը լուծելու համար, այդ թվում՝ Աբխազիայի միջոցով Ռուսաստանի և Վրաստանի միջև երկաթուղային կապի վերականգնման հնարավորության վերաբերյալ։

«Կովկասում տրանսպորտային և լոգիստիկ կապի ամրապնդումը չափազանց կարևոր է Ադրբեջանի, Հայաստանի, Վրաստանի, Իրանի, Թուրքիայի և Ռուսաստանի ժողովուրդների խաղաղության, կայունության և տնտեսական բարգավաճման համար։ Մենք հույս ունենք տարածաշրջանի բոլոր պետությունների միջև կառուցողական համագործակցության վրա՝ այս կարևոր համատեղ խնդիրը լուծելու համար»,- ասել է նա։

Օվերչուկն ընդգծել է, թե Ռուսաստանը «հետևողականորեն և համակարգված կերպով շարունակում է աշխատել Հարավային Կովկասի տարածաշրջանում բոլոր տնտեսական և տրանսպորտային կապերի ապաշրջափակման ուղղությամբ»։

«2025 թվականի վերջին, 1991-ից ի վեր առաջին անգամ, վերսկսվեց Ռուսաստանի Դաշնության և Հայաստանի Հանրապետության միջև երկաթուղային երթևեկությունը՝ Ադրբեջանի Հանրապետության և Վրաստանի տարածքով։Մեր երկրների միջև ուղիղ երկաթուղային կապի բացումը ստեղծել է ավելի լավ մրցակցային պայմաններ ռուսական ապրանքները արտաքին շուկաներ առաջ մղելու համար և նպաստում է ԵՏՄ անդամ պետությունների միջև փոխադարձ առևտրի ամրապնդմանը։ Այս բեռնափոխադրումների մեկնարկը բացել է հնարավորություն տարածաշրջանում տրանսպորտային կապի հետագա զարգացման համար»,-  հավելել է նա։

Թարգմանությունը՝ Էմմա Չոբանյանի