26.03.2026 | 20:22
Պակիստանը հայտարարել է ԱՄՆ-Իրան շփումներում միջնորդելու մասին
Դեսպան Խաչատրյանն ու Բրունո Ֆուքսը քննարկել են Հայաստան-Ֆրանսիա համագործակցության ընդլայնման հարցեր
Քաղաքականություն
12.02.2026 | 16:52
Ֆրանսիայում ՀՀ դեսպանությունից հայտնում են, որ դեսպան Արման Խաչատրյանը հանդիպել է Ֆրանսիայի Ազգային ժողովի արտաքին հարաբերությունների հանձնաժողովի նախագահ Բրունո Ֆուքսի հետ։
Նշվում է, որ հանդիպմանն անդրադարձ է կատարվել հայ-ֆրանսիական ամուր բարեկամության վրա հիմնված՝ Հայաստանի և Ֆրանսիայի միջև ռազմավարական բնույթ ունեցող բազմաոլորտ համագործակցության ընդլայնմանը։ Կարևորվել է այդ գործում խորհրդարանական դիվանագիտության դերը և Հայաստանի ու Ֆրանսիայի Ազգային ժողովների միջև ձևավորված սերտ համագործակցությունը։
Հաղորդվում է, որ մտքեր են փոխանակվել նաև տարածաշրջանային և միջազգային օրակարգի մի շարք հարցերի շուրջ։ Դեսպան Խաչատրյանը զրուցակցին է ներկայացրել Հայաստանի և Ադրբեջանի միջև խաղաղության հաստատմանն ուղղված վաշինգտոնյան համաձայնությունները և դրանց շրջանակներում TRIPP նախագծի իրագործման ընթացքը։
