10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
Դաշնակցության դեմ ծանր հրետանի հանելու կարիք չկա, մի ռագատկեն հերիք ա․ Վահագն Ալեքսանյան․ ՏԵՍԱՆՅՈՒԹ
Քաղաքականություն
12.02.2026 | 16:03
«12-ը փետրվարի, 2026 թվական, ժամը 16։22. Դաշնակցությունը փաստացի հայտարարեց իր կապիտուլյացիայի մասին, հերթական կապիտուլյացիայի մասին»,-այսպես սկսեց իր ելույթը պատգամավոր Վահագն Ալեքսանյանը՝ տեսնելով, որ ընդդիմադիր պատգամավորները խորհրդարանի նիստերի դահլիճում չեն։
Հիշեցնենք՝ «Հայաստան» խմբակցությունը պնդում է՝ Հակոբ Հակոբյանը, լինելով ՀՌՀ անդամ, «1-in.am» լրատվական կայքին տված հարցազրույցում քաղաքական գնահատականներ է հնչեցրել Հայ Յեղափոխական Դաշնակցություն կուսակցության հասցեին, և այդ գնահատականներն ուղեկցվել են ատելության քարոզով: Քաղաքական տարբեր ընդդիմախոսների վերաբերյալ տրվել են ձևակերպումներ:
«Պարոն Ռուստամյանն ասում ա՝ «ծանր հրետանի եք հանել Դաշնակցության դեմ»։ Այ պարոն Ռուստամյան ջան, Դաշնակցության դեմ արդեն էլ ծանր հրետանու կարիք չկա, մի ռագատկեն ամբողջությամբ հերիք ա։ Դուք էն հին, բարի, ուժեղ, մեծ կուսակցությունը չեք։ Դուք արդեն մի կուսակցություն եք, որը պարզապես սարսափում ա խոսքից։ Ձեր կարգախոսն ա՝ «Մահ կամ ազատություն», բայց էդ ազատության երկրորդ բաղադրիչից՝ ազատությունից ու դրա դրսևորումներից ամենակարևորներից մեկից՝ խոսքից, խոսքի ազատությունից դուք սարսափում եք»,-նշեց նա։
Վահագն Ալեքսանյանը հայտարարեց նաև, որ ՀՅԴ-ի նոր կարգախոսն է ուզում ներկայացնել․ «Մահ կամ գուբերնիա»։
Մանրամասները՝ տեսանյութում։
