28.10.2026 | 23:00
Հայաստան–Զիմբաբվե համագործակցությունը՝ ԱԲ-ի և տեխնոլոգիական կրթության ոլորտներում
«Մի խփեք ընկած առյուծներին չախկալներին հաճոյանալու համար»․ Աղազարյանը ԱԺ ամբիոնից ասմունքեց․ ՏԵՍԱՆՅՈՒԹ
Քաղաքականություն
12.02.2026 | 15:18
«Ես իհարկե այնքան չկամ, որ ինձ թույլ տամ քննադատել պարոն Հակոբ Մովսեսին։ Ես ուղղակի կկիսվեմ իմ մտքերով և եթե ինչ-որ տեղ, համենայնդեպս, անցնեմ չափը՝ կներեք, ներող կլինեք»,- այսպես ԱԺ-ում սկսեց իր ելույթը անկախ պատգամավոր Հովիկ Աղազարյանը, որը ժամանակին եղել է Դաշնակցության շարքերում։
Հիշեցնենք՝ «Հայաստան» խմբակցությունը պնդում է՝ Հակոբ Հակոբյանը, լինելով ՀՌՀ անդամ, «1-in.am» լրատվական կայքին տված հարցազրույցում քաղաքական գնահատականներ է հնչեցրել Հայ Յեղափոխական Դաշնակցություն կուսակցության հասցեին, և այդ գնահատականներն ուղեկցվել են ատելության քարոզով: Քաղաքական տարբեր ընդդիմախոսների վերաբերյալ տրվել են ձևակերպումներ:
Բանը հասավ նրան, որ Աղազարյանը ասմունքեց ԱԺ ամբիոնից, ասաց՝ ստեղծագործել է Դաշնակցության գործունեության կասեցման տարիներին։
Նորից ժամանակը կանգնել է,
Ամեն ինչ կսկսվի նորից,
Եվ ապագան հաստատ գալու է,
Որ կրկին դատավոր լինի։
Մի՛ խփեք ընկած առյուծներին՝
Չախկալներին հաճոյանալու համար,
Մի՛ կտրեք հսկա կաղնիներ՝
Թփերին կռանալու համար․․․։
«Պարոն Հակոբ Մովսես, ես ներողություն եմ խնդրում, բայց կողմ եմ քվեարկելու «Հայաստան» դաշինքի առաջարկությանը, որովհետև սահմանադրականությունը իմ համար ամեն ինչից վեր է, և պատահական չէ, որ մեր կուսակցությունը կոչվում է Հայաստանի միասնական ազգային սահմանադրական կուսակցություն»,-նշեց Աղազարյանը։
Մանրամասները՝ տեսանյութում։
