13.05.2026 | 17:28
ԻՔՄ-ն մինչև կես միլիոն դրամ պարգև է խոստանում Ապարանի դպրոցներում պարտադրանքի փաստերի համար
TRIPP-ն ընդմիշտ կփոխի տարածաշրջանը. ԱՄՆ Պետքարտուղարություն
Քաղաքականություն
12.02.2026 | 15:43
TRIPP նախագիծն ընդմիշտ կփոխի Հարավային Կովկասը։ Այս մասին X-ի իր միկրոբլոգում գրել է ԱՄՆ պետքարտուղարի տնտեսական հարցերով տեղակալ Ջեյքոբ Հելբերգը։
«Ավարտվեց Ադրբեջան կատարած շատ արդյունավետ ուղևորությունը։ Այս քաղաքի հյուրընկալությունն ու առաջադեմ էներգիան իսկապես ուշագրավ էին։ Ակնհայտ է, որ Թրամփի վարչակազմի TRIPP նախագիծն ընդմիշտ կփոխի տարածաշրջանը։ Փոխնախագահ Ջեյ Դի Վենսի պատմական այցն ամուր հիմք դրեց տարածաշրջանային կայունության և համատեղ տնտեսական աճի համար»,- նշել է նա։
Ավելի վաղ Հելբերգը գրառում էր կատարել նաև Հայաստան այցի վերաբերյալ։
«Փոխնախագահ Ջեյ Դի Վենսը հենց նոր ավարտեց իր պատմական ուղևորությունը՝ որպես Հայաստան այցելած առաջին ամերիկացի փոխնախագահ։ TRIPP նախագիծը նոր գլուխ կբացի Կովկասում։ Երևանից առաջին ուղիղ չվերթով դեպի Բաքու՝ Ադրբեջան»,- գրել էր նա։
Թարգմանությունը՝ Էմմա Չոբանյանի
