Ամերիկյան տեխնոլոգիաների ընտրությունը հարցեր է առաջացնում․ Զախարովան՝ փոքր մոդուլային ռեակտորների կառուցման համաձայնության մասին

ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է ԱՄՆ  փոխնախագահ Ջեյ Դի Վենսի Հայաստան ու Ադրբեջան կատարած այցին՝ ուշադրությունը կենտրոնացնելով հատկապես ՀՀ-ում ատոմային ոլորտում ներդրումներին։ Նա ասել է, թե Հայաստանում հայտարարված 9 մրդ դոլարի ներդրմամբ ամերիկյան փոքր մոդուլային ռեակտորների կառուցման մասին մանրամասներ չեն ներկայացվել։ Զախարովան ասել է, թե հայկական որոշ լրատվամիջոցներ դա ներկայացրել են որպես Վաշինգտոոնի աննախադեպ ներդրումերկրի տնտեսության մեջ։

«Գլխավորն այն է որ աննախադեպը չօգտագործվի այն իմաստով, որ պարզվի՝ դրա համար վճարելու են ոչ թե ամերիկացիները, այլ Երևանը, որի միջոցները գնալու են դեռ չստեղծված TRIPP-ի հիմնադրամ։ Ամեն ինչ շատ մշուշոտ է»,- հայտարարել է ռուսաստանցի պաշտոնյան։

Նա նշել է, որ Երևանի  հետ ատոմակայանի կառուցման հետ կապված տարբեր քննարկումներ կան, Ռոսատոմը պարբերաբար այդ թեման մեկնաբանում է։

«Հայաստանն ազատ է աշխատել  այն գործընկերների հետ, որի հետ անհրաժեշտ է համարում, սակայն ամերիկյան տեխնոլոգիաների ընտրությունը հարցեր է առաջացնում։ Վաշինգտոնի կողմից առաջարկվող փոքր  հզորության ատոմակայանը չկա ոչ միայն Միացյալ Նահանգների տարածքում, այլև ընդհանրապես  չկա, այն միայն թղթի վրա է։ Փորձագետները նշում են, որ նման կայանի վերջնական արժեքը կարող է ավելի բարձր լինել, քան հաշվարկը, որը գովազդվում է։ Փոքր մոդուլային կայանների ծրագիրն ԱՄՆ-ում 2024 թվականին սառեցվել է, երբ ծախսերը սկզբնական հինգ միլիարդից հասել են 10 միլիարդի։ Կան հաշվարկներ, որը Հայաստանն իր գումարներով կօգտագործվի որպես փորձադաշտ ամերիկյան տեխնոլոգիաների փորձարկման համար»,- հայտարարել է Զախարովան։

Ըստ նրա՝ Մոսկվան ատոմային ոլորտում Երևանի հուսալի գործընկերն է տասմյակներ շարունակ, աջակցում է դրա ԱԷԿ-ի շահագործմանը։ Զախարովան, միաժամանակ, ասել է, թե Ռուսաստանն աշխարհում միակ երկիրն է, որն օգտագործում է փոքր հզորության ատոմակայաններ և իր գործընկերներին առաջարկել է ապացուցված ռուսական լուծումներ էներգետիկ բոլոր ոլորտներում։

Թարգմանությունը՝ Էմմա Չոբանյանի