28.10.2026 | 14:34
Դավթաշենում 49-ամյա տղամարդու տնից հայտնաբերվել է 36 թուփ կանեփ և 9 կգ չորացված զանգված
Ուրախացա՞ր, Արման Եղոյան․ մի՛ ուրախացի, ես քեզ հիշում եմ․ Գեղամ Մանուկյան․ ՏԵՍԱՆՅՈՒԹ
Քաղաքականություն
12.02.2026 | 11:51
«Պարոն Հակոբյանը երկու օրվա մեջ իր խոսքում մի բառ շատ հաճախ օգտագործեց, դա «ադապտացիան» է։ Այսինքն՝ բոլոր իրավիճակներում հարմարվելը։ Հիմա կոչ ա անում Դաշնակցությանը՝ հարմարվիր էս վիճակին։ Հա, հարմարվենք, հարմարվենք գլուխներս կախ, ասենք՝ ինչ Արարատ սար, ինչ բան, ինչ հայրենիք, էս ա ու վերջ, սահմանափակվենք»,- խորհրդարանում ՀՌՀ անդամ Հակոբ Հակոբյանի (Հակոբ Մովսես) լիազորությունների դադարեցման վերաբերյալ հարցի քննարկման ժամանակ հայտարարեց պատգամավոր Գեղամ Մանուկյանը։
Հիշեցնենք՝ «Հայաստան» խմբակցությունը պնդում է՝ Հակոբ Հակոբյանը, լինելով ՀՌՀ անդամ, «1-in.am» լրատվական կայքին տված հարցազրույցում քաղաքական գնահատականներ է հնչեցրել Հայ Յեղափոխական Դաշնակցություն կուսակցության հասցեին, և այդ գնահատականներն ուղեկցվել են ատելության քարոզով: Քաղաքական տարբեր ընդդիմախոսների վերաբերյալ տրվել են ձևակերպումներ:
Գեղամ Մանուկյանի խոսքից հետո ՔՊ-ական Արման Եղոյանը տեղից արձագանքեց, ինչին ի պատասխան Մանուկյանը նշեց․ «Ուրախացա՞ր, Արման Եղոյան, մի՛ ուրախացի։ Ես հիշում եմ 2020 թվականին «Երկիր Մեդիա» հեռուստաընկերության էն մարտաշունչ վիճակդ ու էսօրվա վիճակդ»։
Մանուկյանը շարունակեց՝ Հակոբ Հակոբյանի հետ վեճը ոչ թե անձի, մտավորականի հետ է, այլ Հեռուստատեսության հանձնաժողովի անդամի, որը «ոչ թե տեսակետ է հայտնել, այլ դարձել է քաղաքական իշխանության քարոզչական գործիք»։
Մանրամասները՝ տեսանյութում։
