18.08.2026 | 18:23
Ռուբինյանն ու ԱՄՆ կոնգրեսականը քննարկել են TRIPP-ի իրականացումն ու տարածաշրջանային զարգացումները
Հրդեհ անվադողերի վերանորոգման կետում
12.02.2026 | 09:42
Փետրվարի 12-ին, ժամը 02։53-ին Կոտայքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Աբովյան քաղաքից Ջրվեժ գյուղ տանող ավտոճանապարհին այրվում է շինություն։
Ինչպես հայտնում են ՆԳՆ ՓԾ-ից, դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Արտաշատի խճուղում՝ Ջրվեժի գերեզմանատան մոտակայքում, գտնվող անվադողերի վերանորոգման կետում:
Հրդեհը մեկուսացվել է՝ ժամը 03:54-ին, մարվել՝ 04:41-ին: Վերանորոգման կետում (մոտ 50 քմ) այրվել են անվադողեր, սարքավորումներ, գազի բալոնից (20 կգ) արտահոսած գազը, հարակից վագոն-տնակից 15 քմ հատված՝ գույքով և ջերմահարվել է մոտակայքում կայանած «GAZelle» մակնիշի ավտոմեքենայի դիմային հատվածը:
