10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Սամվել Կարապետյանի` կուսակցության նախագահ դառնալուց հետո ՔՊ-ականի առաջարկը Սրբուհի Գալյանին․ ՏԵՍԱՆՅՈՒԹ
Քաղաքականություն
11.02.2026 | 17:49
Ազգային ժողով-կառավարություն հարցուպատասխանի ժամանակ արդարադատության նախարար Սրբուհի Գալյանն անդրադարձել է կուսակցությունների ղեկավարների համար ՀՀ քաղաքացի լինելու վերաբերյալ դրույթը պարտադիր դարձնելու հարցին։
Հիշեցնենք՝ այսօր՝ փետրվարի 11-ին, կայացել է Սամվել Կարապետյանի կուսակցության համագումարը։ Համագումարն ընտրել է նոր նախագահ և խորհուրդ։ Սամվել Կարապետյանը միաձայն ընտրվել է կուսակցության նախագահ։
«Սահմանադրության նոր տեքստի մշակման աշխատանքների շրջանակներում անդրադարձել ենք այս պահի դրությամբ դեռ միայն այն պաշտոններին և այն ցենզերին, որոնք գոյություն ունեն մեր երկրում։ Իրականում կարևոր է, որ պաշտոնական ցենզի համար նախատեսվի որոշակի յուրահատկություն՝ միայն ՀՀ քաղաքացի հանդիսանալու հանգամանքով պայմանավորված։ Այսինքն՝ դա է այն ֆիլտրը, ըստ որի՝ որոշ անձինք չեն կարող զբաղեցնել բարձրաստիճան պաշտոններ մեր երկրում։ Ինչ վերաբերում է կուսակցականությանը, ապա այս առումով, իհարկե, միջազգային փորձ չենք ուսումնասիրել, բայց կարծում եմ, որ կարող ենք ուսումնասիրել։ Ամեն դեպքում, միայն կուսակցական լինելը, կարծում եմ, չի կարող ենթադրել ցենզի առկայություն, բայց ղեկավար մարմինների մասով խոստանում եմ առաջիկայում միջազգային փորձի ուսումնասիրություն իրականացնել և կիսվել արդյունքներով»,-նշել է Գալյանը։
Մանրամասները՝ տեսանյութում։
