09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Team-ի բաժանորդները ծառայությունների դիմաց կարող են վճարել նաև IDBank-ի հավելվածով
11.02.2026 | 17:17
Team Telecom Armenia-ն («Տելեկոմ Արմենիա» ԲԲԸ) տեղեկացնում է իր բաժանորդներին, որ այսուհետ ծառայությունների դիմաց վճարումները հնարավոր է կատարել նաև Idram&IDBank հավելվածով՝ որպես վճարման աղբյուր ընտրելով IDBank-ի հաշիվները (բանկային, խնայողական և քարտային) կամ Rocket Line թվային ապառիկը։
«Ընկերությունների միջև համագործակցության մասին պայմանավորվածությունը ձեռք է բերվել՝ հաշվի առնելով հաճախորդների կողմից վճարումների կատարման առավելագույն հարմարավետությունը»,- ասված է հաղորդագրությունում։
Ավելի վաղ տեղեկացրել էինք, որ «Իդրամ», «Իզի փեյ», «Թել-Սել» և «Ֆասթ Շիֆթ» հարթակներում փետրվարի 1-ից հասանելի չեն լինի հայաստանյան ամենախոշոր օպերատորներից երկուսի՝ «Վիվա Արմենիա»-ի և Team Telecom Armenia-ի ծառայությունների դիմաց վճարումները։ Բջջային օպերատորների կողմից այս ծանուցումը բաժանորդների մոտ դժգոհություն է առաջացրել։
Նախօրեին տեղեկացրել էինք, որ նաև Viva-ն է IDBank-ի հետ համաձայնության եկել։
