06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ապրիլի վերջ, մայիսի սկիզբ կակտիվացվի Youtube-ի մոնետիզացիան․ Մխիթար Հայրապետյան․ ՏԵՍԱՆՅՈՒԹ
Տնտեսություն
11.02.2026 | 16:58
Ազգային ժողովի պատգամավոր Նարեկ Բաբայանը Բարձր տեխնոլոգիական արդյունաբերության նախարար Մխիթար Հայրապետյանին խնդրեց ներկայացնել վերջերս ձեռք բերված հայ-ամերիկյան համաձայնությունների արդյունքներն ու ապագա ակնկալիքները։
Հայրապետյանը նշեց, որ Երևանում տեղի է ունեցել Հայաստան-ԱՄՆ տեխնոլոգիաների և նորարարության առաջին գագաթաժողովը, որին մասնակցել են խոշոր տեխնոլոգիական ընկերությունների ներկայացուցիչներ՝ Nvidia, Salesforce, Shield AI, Astranis, Dell և այլն։ Նախարարը հավելել է։ Հայրապետյանը թվարկել է գործարկված ու գործարկվելիք ծրագրերը․
1․ Firebird, Nvidia և Dell ընկերությունները համատեղ հայտարարել են Հրազդան քաղաքում արհեստական բանականության տվյալային կենտրոն կառուցելու մասին։ Նախագծի ներդրումային արժեքը, որը սկզբնապես գնահատվում էր 500 միլիոն դոլար, կհասնի 4 միլիարդ դոլարի։
2․ Google-ը հայտարարել է, որ Հայաստանում, ամենայն հավանականությամբ ապրիլի վերջին կամ մայիսի սկզբին, կակտիվացվի YouTube-ի դրամայնացման (մոնետիզացիայի) գործընկերային ծրագիրը։
3․ Shield AI ընկերությունը հայտարարել է Հայաստանի կառավարության հետ անօդաչու թռչող սարքերի ոլորտում համագործակցության նոր փուլ սկսելու մասին։
4․ ԹՈւՄՈ կենտրոնը նախատեսում է նոր մասնաճյուղեր բացել ԱՄՆ-ի տարածքում։
Հայրապետյանը հավելել է, որ գագաթաժողովի ընթացքում քննարկվել են նաև տեխնոլոգիաների փոխանցման և արտահանման հետ կապված խնդիրներ, որոնց լուծումը կնպաստի նոր ամերիկյան ընկերությունների մուտքին Հայաստան և կբարձրացնի երկրի դերը համաշխարհային ինժեներական արժեշղթայում։
Մանրամաները՝ տեսանյութում։
