10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
Առաջին անգամ է՝ անկախ պետական մարմնի անդամի լիազորությունների դադարեցման հարց է բարձրացվում․ Մինասյան․ ՏԵՍԱՆՅՈՒԹ
Քաղաքականություն
11.02.2026 | 15:47
Սահմանադրության մեջ ուղիղ տեքստով է նշվում, որ Հեռուստատեսության և ռադիոյի հանձնաժողովի անդամները իրենց լիազորությունների իրականացման ժամանակահատվածում չեն կարող լինել որևէ կուսակցության անդամ կամ որևէ այլ կերպ զբաղվել քաղաքական գործունեությամբ: Այս մասին ՀՌՀ անդամ Հակոբ Հակոբյանի լիազորությունները դադարեցնելու հարցի քննարկման ժամանակ նշեց հիմնական զեկուցող Արծվիկ Մինասյանը։
«Հակոբ Հակոբյանը «1in.am»-ին տված հարցազրույցի ժամանակ քաղաքական գնահատականներ է հնչեցնում Հայ Յեղափոխական Դաշնակցության հասցեին, և այդ գնահատականները ուղեկցում է ատելության քարոզով հանդեպ Դաշնակցությունը: Բացի դա, քաղաքական տարբեր ընդդիմախոսների վերաբերյալ ձևակերպումներ է տալիս՝ «խուժան» և այլ արտահայտություններով:
Որքան էլ ներքին համոզմունք ունենա պարոն Հակոբյանը, նա իրավունք չունի դա բարձրաձայնելու: Եթե ցանկություն ունի պարոն Հակոբյանը զբաղվել քաղաքականությամբ, թող դուրս գա, գնանք իրար հետ բանավիճենք, ինչպես Ձեր հետ ենք բանավիճում, բայց ի՞նչ իրավունք ունի անկախ պետական մարմնի անդամը, որը Սահմանադրությամբ պարտավոր է ցուցաբերել չեզոքություն, զսպվածություն, նման գնահատականներ հնչեցնի: Թերևս այսքանը, պատրաստ կլինեմ հարցերին պատասխանել»,- նշեց Մինասյանը։
Մանրամասները՝ տեսանյութում։
