02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
«Ինտեր Մայամին» հետևում է Ռոնալդուի շուրջ ստեղծված իրավիճակին
11.02.2026 | 13:31
MLS-ի չեմպիոն «Ինտեր Մայամին» ուշադրությամբ հետևում է սաուդյան «Ալ Նասրի» պորտուգալացի հարձակվող Կրիշտիանու Ռոնալդուի շուրջ ստեղծված իրավիճակին։
ESPN-ի համաձայն՝ ամերիկյան ակումբը նաև նախնական պայմանագիր է պատրաստում 41-ամյա ֆուտբոլիստի համար։ «Ինտեր Մայամիի» ու աշխարհի չեմպիոն Արգենտինայի հավաքականի ավագ Լիոնել Մեսին կողմ է արտահայտվել Ռոնալդուի տրանսֆերին։
«Ինտեր Մայամիի» սեփականատեր Դևիդ Բեքհեմը երազում է Մեսիին ու Ռոնալդուին տեսնել իր թիմի հարձակման գծում։
Պորտուգալիայի հավաքականի ավագը վերջին շրջանում բոյկոտում էր «Ալ Նասրի» հանդիպումները։ Ռոնալդուն դժգոհ է Սաուդյան Արաբիայի պետական ներդրումային հիմնադրամի ղեկավարության որոշումներից։ «Ոսկե գնդակի» 5-ակի դափնեկիրը կարծում է, որ «Ալ Նասրի» մրցակիցներն ավելի մեծ աջակցություն են ստանում հիմնադրամի կողմից ու ձեռք բերում ավելի աստղային ֆուտբոլիստների։
Պորտուգալացի հարձակվողը 2023 թվականից է խաղում «Ալ Նասրում», որի հետ պայմանագիր ունի մինչև 2027 թվականը։ Սաուդյան Արաբիայի ընթացիկ առաջնությունում նա 18 խաղում դարձել է 17 գոլի հեղինակ։
