06.03.2026 | 18:20
Իրանը հայտարարել է, որ «որոշ երկրներ միջնորդական ջանքեր են սկսել»
Առանց Հայաստանի վարչապետի և Ադրբեջանի նախագահի առաջնորդության՝ չէինք կարողանա խաղաղության համաձայնագրի հասնել. Վենս
Քաղաքականություն
10.02.2026 | 20:30
Առանց Հայաստանի վարչապետի և Ադրբեջանի նախագահի առաջնորդության՝ մենք չէինք կարողանա խաղաղության համաձայնագրի հասնել: Այս մասին հայտարարել է ԱՄՆ փոխնախագահ Ջեյ Դի Վենսը Բաքվում Ադրբեջանի նախագահ Իլհամ Ալիևի հետ մամուլի ասուլիսում։
«Այս երեք տղամարդիկ, համատեղ աշխատելով, ստեղծեցին պատմական խաղաղություն։ Նրանք խաղաղություն ստեղծեցին այնտեղ, որտեղ մի ժամանակ պատերազմ էր, և ես հավատում եմ, որ նրանք ապագայում բարգավաճում կբերեն»,- ասել է Վենսը։
«Կարծում եմ՝ ես առաջիններից մեկն էի, ով թռավ Թրամփի նոր՝ «Միջազգային խաղաղության և բարգավաճման ճանապարհով», որը կկապի Ադրբեջանի երկու առանձին մասերը։ Մենք հույս ունենք, որ սա կհանգեցնի տնտեսության, բնական պաշարների և կարևորագույն հանքանյութերի ոլորտում համագործակցության, որը իսկապես կամրապնդի Ադրբեջանի և Հայաստանի միջև այս անհավանական խաղաղության համաձայնագիրը»,- հավելել է ԱՄՆ փոխնախագահը։
Թարգմանությունը՝ Էմմա Չոբանյանի
