13.05.2026 | 17:20
ԱՄՆ-ի և Չինաստանի առևտրային ներկայացուցիչները բանակցություններ են վարել Թրամփ-Սի գագաթնաժողովից առաջ
Հրապարակվել է ՀՀ-ի և ԱՄՆ-ի միջև միջուկային էներգիայի ոլորտում համագործակցության հայտարարությունը
Քաղաքականություն
10.02.2026 | 17:19
Նախօրեին ՀՀ վարչապետ Նիկոլ Փաշինյանը և ԱՄՆ փոխնախագահ Ջեյմս Դի Վենսը ստորագրել են «Միջուկային էներգիայի խաղաղ նպատակներով օգտագործման ոլորտում Հայաստանի Հանրապետության Կառավարության և Ամերիկայի Միացյալ Նահանգների կառավարության միջև համագործակցության մասին» համաձայնագրի բանակցությունների ավարտի վերաբերյալ համատեղ հայտարարությունը։
Ստորև հայտարարության տեքստը․
«Համատեղ հայտարարություն «Միջուկային էներգիայի խաղաղ նպատակներով օգտագործման ոլորտում Հայաստանի Հանրապետության կառավարության և Ամերիկայի Միացյալ Նահանգների կառավարության միջև համագործակցության մասին» համաձայնագրի բանակցությունների ավարտի վերաբերյալ
Հայաստանի Հանրապետության կառավարությունը և Ամերիկայի Միացյալ Նահանգների կառավարությունն ավարտել են «Միջուկային էներգիայի խաղաղ նպատակներով օգտագործման ոլորտում Հայաստանի Հանրապետության կառավարության և Ամերիկայի Միացյալ Նահանգների կառավարության միջև համագործակցության մասին» համաձայնագրի («123 համաձայնագիր») բանակցությունները:
Սույն բանակցությունների ավարտը հանդիսանում է առանցքային քայլ` միտված խորացնելու միջուկային էներգիայի խաղաղ նպատակներով օգտագործման ոլորտում երկկողմ համագործակցությանը՝ որպես 2025թ. օգոստոսին Վաշինգտոնում ստորագրված Ամերիկայի Միացյալ Նահանգների կառավարության և Հայաստանի Հանրապետության կառավարության միջև էներգետիկ անվտանգության ոլորտում գործընկերության մասին փոխըմբռնման հուշագրի հիմնասյուն:
«123 համաձայնագիրը» կընդլայնի երկկողմ համագործակցությունն էներգետիկ անվտանգության ոլորտում, կամրապնդի Կողմերի բազմամյա դիվանագիտական և տնտեսական հարաբերությունները և կապահովի համապարփակ իրավական շրջանակ միջուկային էներգիայի ոլորտում համագործակցության համար: Հայաստանի Հանրապետության կառավարությունը և Ամերիկայի Միացյալ Նահանգների կառավարությունը նախատեսում են միջուկային էներգիայի խաղաղ նպատակներով օգտագործման ոլորտում առաջիկա տարիներին հաստատել ամուր և փոխշահավետ գործընկերություն։
Հայաստանի Հանրապետության կառավարությունը և Ամերիկայի Միացյալ Նահանգների կառավարությունը մտադիր են ձեռնարկել իրականացնել համապատասխան ներքին վերանայման և հաստատման ընթացակարգերը, ինչպես նաև ցանկացած այլ իրավական քայլ, որը պահանջվում է նախքան «123 համաձայնագրի» ստորագրումը և ուժի մեջ մտնելը:
Ստորագրվել է Երևանում, 2026 թվականի փետրվարի 9, երկու օրինակով՝ անգլերեն լեզվով»:
