02.07.2026 | 19:40
Արթուր Հովհաննիսյանը` խմբակցության ղեկավար ընտրվելու իր շանսերի մասին
Փաստաբանը ԱԲ-ով հայցադիմում է պատրաստում, ուղարկում դատարան․ Վարդանյանը՝ դատարանների բեռնաթափման մասին․ ՏԵՍԱՆՅՈՒԹ
Հասարակություն
10.02.2026 | 16:21
«Արհեստական բանականության գործիքների զարգացմանը զուգահեռ ստեղծվում է հետևյալ իրավիճակը․ ճանապարհային երթևեկության ակտերի դեպքում փաստաբանական ընկերություն դիմում է քաղաքացուն, ասում է՝ ուղարկի՛ր ինձ քո տուգանքի ակտը, ստանում է այն, անմիջապես արհեստական բանականության գործիքով ստեղծում է հայցադիմում։ Հայցադիմումը կից փաստաթղթերով ուղարկում է և մուտք է անում դատարան, հիմա էլ նաև էլեկտրոնային կարգով։ Վճարում է տուրք 4000-ի կարգի, և վերջ»,- այս մասին ԱԺ լիագումար նիստի ընթացքում նշեց պետաիրավական հանձնաժողովի նախագահ Վլադիմիր Վարդանյանը՝ խոսելով դատարանների ծանրաբեռնվածության մասին։
Նրա խոսքով՝ դատարանը սկսում է գործընթացը, և այդ գործընթացը կարող է տևել օրեր, ամիսներ։
«Այս ծավալի ներքո վարչական դատարանները հայտնվում են մի իրավիճակում, երբ այս կարգի գործերի պատճառով չեն կարողանում, ըստ էության, գործերը, որոնք կարևոր նշանակություն ունեն թե՛ քաղաքացու, թե՛ պետական մարմինների համար, լսել։ Մենք փորձում ենք հնարավորինս սահմանափակել ժամկետով վարչական դատարանի կողմից նմանատիպ գործերի լսելու հնարավորությունը և լուծելու հնարավորությունը։ Վեց գումարած վեց գումարած վեց ամիս սկզբունքով, ցանկացած անգամ երկարացնելու պարագայում պատճառաբանված որոշմամբ, որովհետև ոչ բոլոր գործերն են միատեսակ»,-նշեց Վարդանյանը։
Մանրամասները՝ տեսանյութում։
