07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
«Երբեմն ինձ թվում էր, թե այլևս տեղ չունեմ իմ սեփական տանը»․ Հենրիխ Մխիթարյանը՝ հավաքականից հեռանալու մասին
10.02.2026 | 15:09
Իտալական «Ինտերի» կիսապաշտպան Հենրիխ Մխիթարյանն իր ինքնակենսագրական գրքում անդրադարձել է Հայաստանի ազգային հավաքականում կարիերան ավարտելու որոշման մասին։
«Ոչ ոք չէր գիտակցում, որ դա կլինի իմ վերջին խաղը հավաքականում։ Ես ինքս որոշեցի դադար վերցնել, իսկ պաշտոնական հայտարարությունն արեցի միայն մի քանի ամիս անց։
Վերջին տարիներին ինձ լավ չէի զգում հավաքականում, կարծես իմ տեղում չէի, թեև գիտեի, որ դա հենց այն վայրն է, որտեղ պետք է լինեմ։ Թիմի ներսում և նրա շուրջ մթնոլորտը փոխվել էր։ Երբեմն ինձ թվում էր, թե այլևս տեղ չունեմ այնտեղ՝ իմ սեփական տանը։
Ես երբեք չեմ բղավել թիմակիցներիս վրա, երբեք նրանց մասին վատ բան չեմ ասել և երբեք հանդերձարանում անհարգալից վարք չեմ դրսևորել։
Իմ ընդունած յուրաքանչյուր որոշում, այդ թվում՝ ավագ լինելու տարիներին, ուղղված էր մեկ բանի՝ թիմի մակարդակը պահպանել ինչպես խաղային, այնպես էլ հոգեբանական առումով»,- գրել է 37-ամյա ֆուտբոլիստը։
Հենրիխ Մխիթարյանը Հայաստանի հավաքականի պատմության լավագույն ռմբարկուն է։ 2007-2021 թթ. կիսապաշտպանն ազգային թիմի կազմում մասնակցել է 95 հանդիպման ու դարձել 32 գոլի հեղինակ։
