27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Եվտուշենկովը 400 հազար դրամանոց սպասքի հավաքածու է նվիրել Փաշինյանին
10.02.2026 | 15:20
Վլադիմիր Եվտուշենկովը՝ «Սիստեմա» բաժնետիրական ֆինանսական կորպորացիայի նախագահը, վարչապետ Նիկոլ Փաշինյանին նվեր է փոխանցել: Factor.am-ը այս մասին տեղեկանում է վարչապետի՝ Կոռուպցիայի կանխարգելման հանձնաժողով ներկայացրած պաշտոնական նվերների հաշվառման ձևաթղթից:
Ռուս գործարարը վարչապետին նվիրել է ոսկեզօծ «Երկնագույն պսակ» թեյի սպասքի հավաքածու՝ պատրաստված «Գժել» ասոցիացիայի կողմից, եզակի օրինակով, բարձրագույն ճենապակուց: Նվերի արժեքը գնահատվել է 400 հազար դրամ:
Հավելենք, որ Եվտուշենկովին վարչապետ Փաշինյանն ընդունել էր հունվարի 20-ին, որի ժամանակ նրանք քննարկել էին Հայաստանի տնտեսության զարգացման ու պետություն-մասնավոր հատված փոխգործակցության հարցեր:
Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
