13.06.2026 | 21:11
Թվեր, որ կարող են փոխել պատմությունը․ ընտրության թաքնված ՇԵՐՏԵՐԸ․ ՏԵՍԱՆՅՈՒԹ
Նորմալ է, որ տարբեր անձանց մեղադրանքներ են ներկայացվում․ փոխքաղաքապետ. ՏԵՍԱՆՅՈՒԹ
Քաղաքականություն
10.02.2026 | 14:37
«Նորմալ է, երբ ժամանակ առ ժամանակ տարբեր անձանց ներկայացվում են մեղադրանքներ, որովհետև պատմությունն ապացուցել է, որ չեն լինում հասարակություններ, որոնցում չեն կատարվում հանցագործություններ»,- այս մասին Factor TV-ի հարցին ի պատասխան նշեց Երևանի փոխքաղաքապետ Սուրեն Գրիգորյանը՝ անդրադառնալով տրանսպորտի վարչության պետ Վազգեն Հարությունյանի մեղադրանքին։
«Աննորմալ է, երբ այդպիսի բաներ տոտալ չեն լինում։ Եվ սա չի նշանակում, որ ասում եմ պարոն Հարությունյանը ինչ-որ բան կատարել է կամ չի կատարել, բայց դուք ասում եք քրեական գործեր, մեղադրանքներ են լինում, ասում եմ՝ նորմալ է։ Ցանկացած ժողովրդավար երկրում, ցավոք սրտի, լինում են հանցագործություններ, որոնք առնվազն բերում են մեղադրանքներ ներկայացնելուն։ Բայց լինում են նաև անհիմն մեղադրանքներ, որոնք գուցե չարամտության արդյունք չեն, աշխատանքի որակի արդյունք են։ Պարոն Հարությունյանը հայտարարել է, որ չի ընդունում իրեն առաջադրված մեղադրանքը և դա համարում է անհիմն»,- ասաց Սուրեն Գրիգորյանը։
Խոսելով տարեվերջյան պարգևավճարների մասին՝ Սուրեն Գրիգորյանն ասաց, որ չի հաշվել, թե որքան պարգևավճար է ստացել և հորդորեց տարեկան հայտարարագրից տեղեկանալ։
Մանրամասները՝ տեսանյութում։
Արփի Հակոբյան
