03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
2370 վարորդական իրավունք է դադարեցվել՝ թմրաբանական, հոգեբուժական կառույցներում հաշվառմամբ պայմանավորված․ ՏԵՍԱՆՅՈՒԹ
Հասարակություն
10.02.2026 | 11:49
ՆԳ փոխնախարար Արմեն Ղազարյանն ԱԺ լիագում նիստում ներկայացրեց «Ճանապարհային երթևեկության անվտանգության ապահովման մասին» օրենքում փոփոխությունների նախագիծը։
«Ներկայումս պրակտիկան այնպիսին է, որ յուրաքանչյուր վարչական գործառույթ իրականացնելու ժամանակ Ներքին գործերի նախարարության համապատասխան ստորաբաժանումը հարցում է կատարում թմրաբանական և հոգեբուժական հաստատություններից եզրակացություններ ստանալու համար՝ տվյալ անձի սահմանափակումների վերաբերյալ, մինչդեռ ներկայումս, քանի որ արդեն գործում է էլեկտրոնային առողջապահական համակարգը՝ «Արմեդ» համակարգը, փոփոխությունը առաջարկում ենք կազմակերպել այն տրամաբանությամբ, որ յուրաքանչյուր անգամ, երբ անձը կգրանցվի նմանատիպ հաստատություններում, հաշվառված կլինի նմանատիպ հաստատություններում, և այդ տեղեկատվությունը կհայտնվի «Արմեդ» համակարգում, Ներքին գործերի նախարարության էլեկտրոնային ռեգիստրում ինքնաշխատ կերպով այդ տեղեկատվությունը կհայտնվի, և մարդու վարելու իրավունքը կդադարի»,-նշեց Ղազարյանը։
Փոխնախարարի խոսքով՝ 2025 թվականի առաջին 11 ամիսներին նման կերպով դադարեցվել է 2370 անձի վարելու իրավունք։
Մանրամասները՝ տեսանյութում։
