27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ինչո՞ւ վարչապետի 2024-ի հանձնարարականը չի կատարվել․ Հայկ Սարգսյանը՝ ՊԵԿ փոխնախագահին․ ՏԵՍԱՆՅՈՒԹ
Քաղաքականություն
10.02.2026 | 11:24
««Խաղային գործունեության մասին» օրենքը Պետական եկամուտների կոմիտեի կողմից շրջանառության մեջ է դրվել դեռևս 2022 թվականին։ Ընդունվել է Ազգային ժողովի կողմից 2024-ի ամռանը, բայց մինչև դա, 2024-ի հունվարին, երբ քննարկվում էր Կառավարությունում, վարչապետը հստակ ասել է հետևյալը, որ այս պահից սկսած աշխատանք տարեք, որպեսզի 2025 թվականի հունվարի 1-ին, երբ խաղային գործունեության մասին օրենքը մտնի ուժի մեջ, մենք ունենանք օպերատոր։
Այսինքն՝ 24-ի հունվարին է դա ասել, ասել է՝ «մեկ տարի հետո ինձ չգաք ասեք, որ չի եղել օպերատորը, խնդիրներ կան մրցույթի հետ կապված և այլն»։ Ինչպես վարչապետն էր սպասում ու դրա մասին զգուշացնում էր, չունենք օպերատոր»,- այս մասին ՊԵԿ փոխնախագահ Ռաֆայել Գևորգյանին հարց ուղղեց պատգամավոր Հայկ Սարգսյանը։
Ի պատասխան Գևորգյանը նշեց՝ օրենքը ուժի մեջ չի մտել 2025 թվականի սկզբից, օրենքը ուժի մեջ կմտնի միայն այն պահից հետո, երբ կընտրվի օպերատոր։ Ըստ անցումային դրույթների նշված օրենքը ուժի մեջ է մտնում օպերատորի սահմանումից հետո։
«Օրենքի այն դրույթները, որոնք վերաբերում են օպերատորի ընտրության ընթացակարգին, ուժի մեջ են մտնում համապատասխան կառավարության որոշումները ընդունելու պահից։ Կառավարության որոշումները համապատասխան ընթացակարգը սահմանելու ընդունվել են նախորդ տարի ամռանը, որից հետո ուժի մեջ են այն դրույթները, որոնցով կկատարվի ընտրության գործընթացը, և այդ տրամաբանությամբ էլ շարժվում ենք։ Ինչ վերաբերում է ձեր հարցին, թե ինչու սահմանված ժամկետներից որոշակիորեն ավելի ուշ է լինում, ըստ էության, ես կարող եմ ասել, որ նման մասշտաբային պրոյեկտ, երբ 15 տարով մասնավոր գործընկերոջ հետ պայմանագիր ենք կնքում, մեր երկրի պատմության մեջ շատ չեն նման գնման գործընթացները»,- նշել է ՊԵԿ փոխնախագահը։
Մանրամասները՝ տեսանյութում։
