14.07.2026 | 15:55
Գազամատակարարման պլանային դադարեցում Աղվերան բնակավայրում՝ հուլիսի 15-ին
«Ռոսատոմ»-ը պատրաստ է կարճ ժամանակում սկսել Հայաստանում ԱԷԿ-ի նախագծի իրականացումը. Գալուզին
Քաղաքականություն
10.02.2026 | 10:47
Ռուսական «Ռոսատոմ» պետական կորպորացիան մտադիր է հնարավորինս կարճ ժամանակում իրականացնել Հայաստանում ատոմակայանի կառուցման նախագիծը, «Իզվեստիա»-ին ասել է Ռուսաստանի ԱԳ փոխնախարար Միխայիլ Գալուզինը, գրում է ՏԱՍՍ-ը։
«Ռոսատոմը պատրաստ է կարճ ժամանակում սկսել նախագծի իրականացումը, բնականաբար, հաշվի առնելով մեր հայ ընկերների ցանկությունները։ Հուսալի, արդեն ապացուցված տեխնոլոգիաների առկայության, ինչպես նաև գրավիչ ֆինանսական պարամետրերի, այդ թվում՝ շինարարության, հետագա շահագործման և մասնագիտական պատրաստման ու վերապատրաստման անհրաժեշտության հետ կապված իրական այլընտրանքներ չկան»,- նշել է Գալուզինը։
Փետրվարի 6-ին ռուսական «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը հանդիպել էր ՀՀ Ազգային ժողովի նախագահ Ալեն Սիմոյանի հետ: «Ռոսատոմ»-ի ղեկավարը պատմել էր Հայաստանի ատոմակայանի (ՀԱԷԿ) շահագործման երկրորդ ժամկետի երկարաձգման աշխատանքների ընթացքի մասին: Քննարկվել էր նաև Հայաստանում նոր ատոմային էներգաբլոկների կառուցման հարցը:
Թարգմանությունը՝ Էմմա Չոբանյանի
