14.09.2026 | 15:51
Հաջիևը վիրավորեց հայ ազգին, իշխանությունն ասում է` չխոսենք, չսրենք. սա վախի նշան է. Գառնիկ Դավթյան․ ՏԵՍԱՆՅՈՒԹ
Փոքր մոդուլային ռեակտորներ կլինեն. Վենսը՝ ՀՀ-ԱՄՆ միջուկային գործարքի մասին. ՏԵՍԱՆՅՈՒԹ
Քաղաքականություն
09.02.2026 | 19:56
«Հիանալի է լինել այստեղ՝ Հայաստանում»,-հայտարարեց երկօրյա այցով ՀՀ ժամանած ԱՄՆ փոխնախագահ Ջեյմս Դի Վենսը վարչապետ Նիկոլ Փաշինյանի հետ համատեղ հայտարարության ժամանակ։
Նրա խոսքով՝ ՀՀ-ն հիասքանչ երկիր է համագործակցելու համար, և Ամերիկան շատ հպարտ է դրանով․ «Նախագահ Թրամփը և վարչապետ Փաշինյանը միասին շատ մեծ բանի են հասել։ Խաղաղությունը չի կերտվում զգույշ մարդկանց կողմից։ Խաղաղությունը չի կերտվում անցյալում։ Խաղաղությունը կերտվում է ապագայում։ Եվ քանի որ վարչապետը ցուցաբերել է այդքան մեծ առաջնորդություն՝ աշխատելով ինձ և նախագահի հետ, մենք ոչ միայն միասին խաղաղություն ենք կերտում Հայաստանի համար, այլև բարգավաճում՝ Ամերիկայի հետ միասին»,-նշեց նա։
Վենսը հայտարարեց՝ Միացյալ Նահանգները հաստատել է Nvidia-ի համար արտահանման մի շարք լիցենզիաներ։
«Դա ինչ է նշանակում՝ նոր շուկաներ, նոր աշխատանք ամերիկացի աշխատողների և ընկերությունների համար, ինչպես նաև Հայաստանի համար։ Սրանք չիպեր են, որոնք աշխարհի երկրների մեծ մասը չունի և չի կարող ունենալ։ Դրանք այժմ կառուցվում են և կկառուցվեն այստեղ՝ Հայաստանում, այս վարչապետի առաջնորդության շնորհիվ»,-ասել է նա։
Ըստ Վենսի՝ ԱՄՆ-ն առաջին փուլով 5 մլրդ դոլարի ներդրում կանի Հայաստանի էներգետիկ անվտանգության ուղղությամբ, երկրորդ փուլով՝ ևս 4 մլրդ դոլարի։ Խոսքը փոքր մոդուլային ռեակտորների կառուցման մասին է։
Մանրամասները՝ տեսանյութում։
