28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Հայաստանը կարող է ծառայել տարածաշրջանում որպես տնտեսական զարգացման շատ լուրջ հենակետ․ Վենս
Քաղաքականություն
09.02.2026 | 18:48
«Փոխանցում եմ մեր նախագահի ողջույնը ձեր ազգին, ձեր երկրին»,- պատվիրակությունների մասնակցությամբ ընդլայնված կազմով հանդիպմանն այս մասին ասաց երկօրյա պաշտոնական այցով Հայաստան ժամանած ԱՄՆ փոխնախագահ Ջեյ Դի Վենսը։
«Վարչապետ Փաշինյանը,իրոք, եղել է գործընկեր։ Շնորհակալ ենք անձնական ընկերության և համագործակցության, գործընկերության համար։ Շատ բան ունենք քննարկելու, շուտով համատեղ հայտարարությունով հանդես կգանք։ Չկրկնվենք այն բանի վերաբերյալ, որ շատ-շատ հիասքանչ երկիր է։ Շատ շնորհակալ եմ անձնական հյուրընկալության համար, ոչ միայն ինձ, այլ նաև իմ ընտանիքին։
Սա աշխարհի հնագույն քրիստոնյա ազգերից մեկն է, և ես շատ շնորհակալ եմ և՛ ձեզ, և՛ ձեր վարչակազմին։ Եվ ես, իրոք, հավատացած եմ, որ դուք հնարավորություն ունեք ոչ միայն պատմական կայուն խաղաղության վերադարձ հաստատել։ Հիմա մի կետում ենք, որ Հայաստանը կարող է ծառայել տարածաշրջանում որպես տնտեսական զարգացման շատ լուրջ հենակետ, որը Հայաստանի ժողովրդին բարգավաճում կբերի, այն կփոխանցվի նաև ԱՄՆ ժողովրդին»,-նշել է նա։
