28.06.2026 | 16:37
Բագրատաշենի մաքսային կետում մաքսային ձևակերպումներն իրականացվել են անխափան և բնականոն ընթացքով. ՊԵԿ
Ստյոպա Մկրտչյանն ու Հրանտ-Լեոն Ռանոսը նորամուտն են նշել 2-րդ Բունդեսլիգայի ակումբներում․ ՏԵՍԱՆՅՈՒԹ
09.02.2026 | 11:35
Հայաստանի ազգային հավաքականի ֆուտբոլիստներ Ստյոպա Մկրտչյանն ու Հրանտ-Լեոն Ռանոսը նորամուտն են նշել Գերմանիայի 2-րդ Բունդեսլիգայում։
22-ամյա պաշտպան Ստյոպա Մկրտչյանը «Նյուրնբերգի» մեկնարկային կազմում մասնակցել է «Պադերբորնի» դեմ 21-րդ տուրի արտագնա հանդիպմանը, որում դաշտի տերերը հաղթել են 2։1 հաշվով։ Առաջին խաղակեսում Մկրտչյանը սեփական տուգանային հրապարակում խախտել է կանոնները, ինչից հետո նշանակվել է 11-մետրանոց հարված ու «Պադերբորնը» բացել է հաշիվը։ Հայ ֆուտբոլիստը խաղացել է առանց փոխարինման։
Հրանտ-Լեոն Ռանոսը Բրաունշվեյգի «Այնտրախտի» կազմում նորամուտը նշել է «Արմինիայի» դեմ խաղում։ 22-ամյա հարձակվողը փոխարինման է դուրս եկել 59-րդ րոպեին, իսկ 6 րոպե անց ստացել է դեղին քարտ։ «Այնտրախտը» պարտվել է 2։3 հաշվով։
2-րդ Բունդեսլիգայի 21-րդ տուրից հետո «Նյուրնբերգը» 26 միավորով 10-րդ տեղում է, իսկ Բրաունշվեյգի «Այնտրախտն» ունի 24 միավոր և 14-րդն է։
