13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Միքայել Միքայելյանի արդյունքը ձմեռային Օլիմպիական խաղերում
08.02.2026 | 17:05
Իտալական Միլանում և Կորտինա դ’Ամպեցոյում ընթացող 25-րդ ձմեռային Օլիմպիական խաղերում պայքարի մեջ մտավ դահուկորդ Միքայել Միքայելյանը։
Հայաստանի ներկայացուցիչը հանդես եկավ 20 կմ սկիաթլոն (10 կմ դասական/10 կմ ազատ ոճ) մրցաձևում, գրանցեց 51:06.8 արդյունք ու գրավեց 48-րդ տեղը։ Մրցմանը մասնակցեց 73 դահուկորդ։
Առաջին տեղը գրավեց նորվեգացի Յոհանես Կլեբոն` դառնալով 6-ակի օլիմպիական չեմպիոն։
Այս մրցաձևի կանանց պայքարին մասնակցել էր Կատյա Գալստյանը, որը չէր հատել եզրագիծը։
Փետրվարի 13-ին Միքայել Միքայելյանն ուժերը կփորձի նաև 10 կմ ինտերվալ (ազատ ոճ) մրցաձևում:
Ձմեռային Օլիմպիական խաղերում Հայաստանն ունի ևս 3 ներկայացուցիչ՝ լեռնադահուկորդ Հարություն Հարությունյանը և գեղասահորդներ Կարինա Ակոպովա – Նիկիտա Ռախմանին սպորտային զույգը։
Հարություն Հարությունյանը փետրվարի 14-ին կմասնակցի հսկա ոլորավայրէջք, իսկ փետրվարի 16-ին՝ ոլորավայրէջք մրցաձևերին:
Կարինա Ակոպովան ու Նիկիտա Ռախմանինը կարճ ծրագրի որակավորման փուլում ելույթ կունենան փետրվարի 15-ին: Սպորտային զույգերի ազատ ծրագիրը նախատեսված է փետրվարի 16-ին:
