06.03.2026 | 18:20
Իրանը հայտարարել է, որ «որոշ երկրներ միջնորդական ջանքեր են սկսել»
Իսպանիան՝ ֆուտզալի Եվրոպայի չեմպիոն
08.02.2026 | 00:44
Ֆուտզալի Իսպանիայի հավաքականը պատմության մեջ 8-րդ անգամ ու 10 տարվա ընդմիջումից հետո դարձավ Եվրոպայի չեմպիոն՝ թարմացնելով տիտղոսների քանակով սեփական ռեկորդը։
Լատվիայում, Լիտվայում և Սլովենիայում ավարտված Եվրո-2026-ի եզրափակիչում իսպանացիները 5։3 հաշվով հաղթեցին Պորտուգալիայի հավաքականին, որը չկարողացավ պաշտպանել տիտղոսը։
Իսպանիայի հավաքականի կազմում հեթ-տրիկի հեղինակ դարձավ «Բարսելոնայի» խաղացող Անտոնի Պերեսը։
Եվրոպայի առաջնության բրոնզե մեդալակիր դարձավ Խորվաթիայի հավաքականը, որը երրորդ տեղի համար խաղում հետխաղյա հարվածաշարում հաղթեց Ֆրանսիայի հավաքականին։ Հանդիպման հիմնական ժամանակն ավարտվել էր 5։5 հաշվով։
Հիշեցնենք, որ Եվրոպայի առաջնության եզրափակիչ փուլին առաջին անգամ մասնակցել էր նաև Հայաստանի հավաքականը, որը խմբային փուլում հաղթել էր 2024թ․ աշխարհի առաջնության բրոնզե մեդալակիր Ուկրաինային (2։1) ու Չեխիային (5:4), ոչ-ոքի խաղացել Լիտվայի հետ (3։3) ու 7 միավորով առաջին տեղը գրավել B խմբում։ Քառորդ եզրափակիչում Ռուբեն Նազարեթյանի գլխավորած թիմը 0։3 հաշվով պարտվել էր Խորվաթիայի հավաքականին։
