27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Նորագյուղում Դուբայի պես երկնաքերեր են կառուցում,բայց բուսաբանական այգին չեն բարեկարգում. Մնացականյան. ՏԵՍԱՆՅՈՒԹ
Քաղաքականություն
07.02.2026 | 19:00
«Աշխարհում երկնաքերեր կառուցում են խիտ բնակեցված վայրերում, կարծում եմ՝ այս պահին անիմաստ է մեծ ռեսուրսներ ծախսել և Նորագյուղում 84 հեկտար կառուցապատել այն պարագայում, երբ, օրինակ, չեն կարողանում Բուսաբանական այգին, որը 80 հեկտար է, բարեկարգել: Դուբային համարժեք ծրագիր են ուզում անել՝ առանց ունենալու դրան համարժեք տնտեսական պոտենցիալ»,- Factor TV-ի հետ զրույցում տեսակետ է հայտնում քաղաքային պլանավորող Վիկտոր Մնացականյանը՝ անդրադառնալով Երևանի քաղաքապետ Տիգրան Ավինյանի՝ օրեր առաջ արած այն հայտարարությանը, թե Նորագյուղում մինչև 70 հարկանի երկնաքերեր են նախատեսում կառուցել:
Նրա խոսքով՝ Երևանը չի կարող կախված լինել քաղաքապետի կամ վարչապետի քաղաքական նկրտումներից.«Մենք պետք է ունենանք ռազմավարական մաստեր-պլան, մինչև դա չլինի, մեկ հեկտար էլ չի կարելի տրամադրել նմանատիպ ծրագրերի»:
Վիկտոր Մնացականյանը խոսում է նաև Երևանի խորհրդանիշներից մեկի՝ Կասկադի արդիականացման ծրագրի մասին. «Կասկադում ծառեր է պետք տնկել, ոչ թե շենքեր կառուցել, եթե այդտեղ անգամ 5 հեկտար կառուցապատվի, Նորագյուղում էլ շինարարություն սկսվի, մի քանի տարի անց պատկերացնո՞ւմ եք Երևանում որքան փոշոտ է լինելու, և որքան գումարներ են ստիպված լինելու ծախսել փոշու խնդիրը լուծելու համար»:
Մանրամասները՝ տեսանյութում:
Աննա Բաբաջանյան
