28.06.2026 | 16:37
Բագրատաշենի մաքսային կետում մաքսային ձևակերպումներն իրականացվել են անխափան և բնականոն ընթացքով. ՊԵԿ
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
07.02.2026 | 00:13
Միլանի «Սան Սիրո» ստադիոնում մեկնարկել է 25-րդ ձմեռային Օլիմպիական խաղերի բացման հանդիսավոր արարողությունը։
Հայաստանի պատվիրակությունը ևս մասնակցել է մարզիկների շքերթին։ Հայաստանի դրոշակակիրը Կարինա Ակոպովա – Նիկիտա Ռախմանին սպորտային զույգն էր։
Իտալական Միլանում և Կորտինա դ’Ամպեցոյում անցկացվող ձմեռային Օլիմպիական խաղերը կավարտվեն փետրվարի 22-ին։
Հայաստանն ունի 5 ներկայացուցիչ՝ դահուկորդներ Միքայել Միքայելյանը, Կատյա Գալստյանը, լեռնադահուկորդ Հարություն Հարությունյանը, գեղասահորդներ Կարինա Ակոպովան ու Նիկիտա Ռախմանինը։
Առաջինը պայքարի մեջ կմտնեն դահուկորդները։ Փետրվարի 7-ին Կատյա Գալստյանը հանդես կգա 20 կմ սկիաթլոն (դասական/ազատ ոճ), փետրվարի 12-ին՝ 10 կմ ինտերվալ (ազատ ոճ) մրցաձևերում:
Փետրվարի 8-ին Միքայել Միքայելյանը հանդես կգա 20 կմ սկիաթլոն (դասական/ազատ ոճ), իսկ փետրվարի 13-ին՝ 10 կմ ինտերվալ (ազատ ոճ) մրցաձևերում:
Լեռնադահուկորդ Հարություն Հարությունյանը փետրվարի 14-ին կմասնակցի հսկա ոլորավայրէջք, իսկ փետրվարի 16-ին՝ ոլորավայրէջք մրցաձևերին:
Կարինա Ակոպովան ու Նիկիտա Ռախմանինը կարճ ծրագրի որակավորման փուլում ելույթ կունենան փետրվարի 15-ին: Սպորտային զույգերի ազատ ծրագիրը նախատեսված է փետրվարի 16-ին:
Ձմեռային օլիմպիական խաղերում կխաղարկվի մեդալների 116 հավաքածու 16 մարզաձևերում:
