19.05.2026 | 22:59
Վրաստանի Պետանվտանգության ծառայությունը երկրի երեք քաղաքացու է ձերբակալել՝ ԻԼԻՊ-ին մասնակցելու մեղադրանքով
Ավինյանը Ստոկհոլմում գործընկերների հետ քննարկել է ապակենտրոնացմանը և տեղական ինքնակառավարման բարեփոխումներին վերաբերող հարցեր
Քաղաքականություն
06.02.2026 | 21:40
Երևանի քաղաքապետ Տիգրան Ավինյանը աշխատանքային այցով գտնվում էր Շվեդիայի Թագավորության մայրաքաղաք Ստոկհոլմում՝ մասնակցելու «Fiscal Decentralisation and Local Self-Government Reforms» աշխատաժողովին։ Այս մասին տեղեկացնում են Երևանի քաղաքապետարանից։
Այցի շրջանակում քաղաքապետը հանդիպումներ է ունեցել Շվեդիայի տեղական ինքնակառավարման մարմինների և ռեգիոնների միության ներկայացուցիչների հետ՝ քննարկելով Հայաստանում ապակենտրոնացման, տեղական ինքնակառավարման բարեփոխումների, ֆինանսական կառավարման և հաշվետվողականությանն առնչվող հարցեր։ Տիգրան Ավինյանը ծանոթացել է նաև շվեդական փորձին կրթության և ֆինանսական ապակենտրոնացման ոլորտներում։
Ստոկհոլմում Երևանի քաղաքապետը հանդիպել է նաև քաղաքային խորհրդի նախագահ Օլե Բուրրելի հետ՝ քննարկելով քաղաքային ծրագրեր, առկա խնդիրներ և երկկողմ համագործակցության հնարավոր ուղղություններ։ Այցի ընթացքում հանդիպումներ են կայացել նաև Շվեդիայում ՀՀ դեսպան Աննա Աղաջանյանի և Շվեդիայի արտաքին գործերի պետական քարտուղար Կարին Յուհլինիի հետ։
