05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
Նորբերտո Բալեկյանն անվրեպ է իրացրել հետխաղյա 11-մետրանոցը․ ՏԵՍԱՆՅՈՒԹ
06.02.2026 | 17:38
Արգենտինայի գավաթի խաղարկության 1/32 եզրափակիչում «Բարակաս Սենտրալը» հետխաղյա 11-մետրանոցներով հաղթել է «Տեմպերլեյին» ու նվաճել հաջորդ փուլի ուղեգիր։
Հայաստանի ազգային հավաքականի հարձակվող Նորբերտո Բրիասկո Բալեկյանը «Բարակաս Սենտրալի» կազմում փոխարինման է մտել 64-րդ րոպեին ու անվրեպ իրացրել հետխաղյա 11-մետրանոցը։
Հանդիպման հիմնական ժամանակն ավարտվել է 2։2 հաշվով։ Առաջին խաղակեսից հետո «Տեմպերլեյն» ունեցել է 2 գոլի առավելություն, բայց չի պահպանել հաղթական հաշիվը։
Նորբերտո Բրիասկո Բալեկյանը հունվարին է վարձակալությամբ տեղափոխվել «Բարակաս Սենտրալ»։ 29-ամյա ֆուտբոլիստի տրանսֆերային իրավունքը պատկանում է արգենտինական «Բոկա Խունիորսին»։
