06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կոպիրկինը կարծում է, որ Հայաստանը և ՀԱՊԿ-ը կարող են փոխզիջումային լուծումներ գտնել
Քաղաքականություն
06.02.2026 | 16:53
ՀՀ-ում Ռուսաստանի դեսպան Սերգեյ Կոպիրկինը կարծում է, որ Հայաստանը և ՀԱՊԿ-ն կարող են համատեղ աշխատել՝ Երևանի և ռազմական դաշինքի միջև առաջացած խնդրահարույց հարցերի փոխզիջումային լուծումներ գտնելու համար։
«Ռոսիա-24»-ին տված հարցազրույցում Ռուսաստանի դեսպանը, անդրադառնալով Հավաքական անվտանգության պայմանագրի կազմակերպությանն (ՀԱՊԿ) անդամակցության վերաբերյալ Հայաստանի իշխանությունների դիրքորոշմանը, նշել է, որ վերջին օրերին ՀՀ իշխանության ներկայացուցիչների կողմից հրապարակային հայտարարություններ են եղել, մասնավորապես, այն մասին, որ սառեցված կարգավիճակը չի փոխվի։
«Ռուսաստանը ելնում է նրանից, որ Հայաստանը մնում է ՀԱՊԿ-ի լիիրավ անդամ։ Ինչ վերաբերում է սառեցման ձևաչափին, այն նախատեսված չէ կազմակերպության իրավական շրջանակում։ Մեր կարծիքով՝ տարածաշրջանում անվտանգությունն ապահովելու այլընտրանքային, հուսալի մեխանիզմ չկա։ Ինչ վերաբերում է ՀԱՊԿ-ի հետ փոխգործակցության առումով առաջացած խնդիրներին, ես կարծում եմ, որ մենք միշտ կարող ենք համատեղ աշխատել՝ որպես գործընկերներ, կուտակված խնդիրները լուծելու համար լուծումներ գտնելու, այդ թվում՝ փոխզիջումային»,- հայտարարել է ռուսաստանցի դիվանագետը։
Թարգմանությունը՝ Էմմա Չոբանյանի
