06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
90 օրը 180 է դառնալու․ Պապոյանը՝ ՀՀ-ից ՌԴ բեռնափոխադրում իրականացնողների խնդրի մասին
Քաղաքականություն
06.02.2026 | 13:28
«Կապ ենք հաստատել ՌԴ ներքին գործերի նախարարության հետ, դեպի Ռուսաստան բեռնափոխադրում իրականացնող վարորդների հետ էլ ենք կապվել, 90 օրը 180 պետք է դառնա»,- այս մասին ասուլիսի ժամանակ Factor TV-ի հարցին ի պատասխան նշեց Էկոնոմիկայի նախարար Գևորգ Պապոյանը։
«Դա լինելու է կառավարության որոշմամբ, շատ ավելի արագ։ Որոշումն արդեն շրջանառված է, սպասում ենք արդյունքների»,-ասել է նախարարը։
Նշենք՝ պաշտոնական այցով Մոսկվայում գտնվող ՀՀ ԱԺ նախագահ Ալեն Սիմոնյանը փետրվարի 5-ին հանդիպել է Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոյի հետ:
Առանձին անդրադարձ է կատարվել օտարերկրյա քաղաքացիների վերաբերյալ ՌԴ օրենսդրության մեջ կատարված միգրացիոն կանոնների փոփոխություններին, մասնավորապես` դրանց հետևանքով դեպի Ռուսաստան բեռնափոխադրում իրականացնող հայ վարորդների համար առաջացած խնդիրներին և դրանք կարգավորելու ուղղությամբ իրականացվող քայլերին:
Հիշեցնենք՝ Ռուսաստանի հետ առանց վիզայի ռեժիմ ունեցող երկրների քաղաքացիների համար 2025 թվականի հունվարի 1-ից նոր սահմանափակումներ են գործում։ Չաշխատելու նպատակով ՌԴ մուտք գործողները մեկ օրացուցային տարվա ընթացքում չեն կարող գումարային 90 օրից ավելի գտնվել երկրի տարածքում։ Ստացվում է՝ ժամկետը 2 անգամ կրճատվել է։
Եվգենյա Համբարձումյան
