03.08.2026 | 22:29
Հայաստանի մի շարք հասցեներում էլեկտրաէներգիայի անջատումներ կլինեն
Իտալիայում մեկնարկում են ձմեռային Օլիմպիական խաղերը․ ՏԵՍԱՆՅՈՒԹ
06.02.2026 | 12:17
Իտալական Միլանում և Կորտինա դ’Ամպեցոյում փետրվարի 6-22-ը կանցկացվեն 25-րդ ձմեռային Օլիմպիական խաղերը։
Խաղերի բացման հանդիսավոր արարողությունը տեղի կունենա փետրվարի 6-ին Միլանի «Սան Սիրո» ստադիոնում ու կմեկնարկի Երևանի ժամանակով 23։00-ին։ Մարզիկների շքերթի ժամանակ Հայաստանի դրոշակակիրը կլինի Կարինա Ակոպովա – Նիկիտա Ռախմանին սպորտային զույգը։ Նրանք արդեն ժամանել են Իտալիա ու մարզում անցկացրել մրցավայրում։
Կարինա Ակոպովան ու Նիկիտա Ռախմանինը կարճ ծրագրի որակավորման փուլում հանդես կգան փետրվարի 15-ին: Սպորտային զույգերի ազատ ծրագիրը նախատեսված է փետրվարի 16-ին:
Գեղասահորդներից բացի, Հայաստանն ունի ևս երեք ներկայացուցիչ՝ դահուկորդներ Միքայել Միքայելյանը, Կատյա Գալստյանը և լեռնադահուկորդ Հարություն Հարությունյանը։
Փետրվարի 7-ին դահուկորդ Կատյա Գալստյանը հանդես կգա 20 կմ սկիաթլոն (դասական/ազատ ոճ), փետրվարի 12-ին՝ 10 կմ ինտերվալ (ազատ ոճ) մրցաձևերում:
Փետրվարի 8-ին Միքայել Միքայելյանը հանդես կգա 20 կմ սկիաթլոն (դասական/ազատ ոճ), իսկ փետրվարի 13-ին՝ 10 կմ ինտերվալ (ազատ ոճ) մրցաձևերում:
Լեռնադահուկորդ Հարություն Հարությունյանը փետրվարի 14-ին կմասնակցի հսկա ոլորավայրէջք, իսկ փետրվարի 16-ին՝ ոլորավայրէջք մրցաձևերին:
Ձմեռային օլիմպիական խաղերում կխաղարկվի մեդալների 116 հավաքածու 16 մարզաձևերում: Մի քանի մարզաձևերում պայքարն արդեն մեկնարկել է։
