28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Իրանի ԱԳ նախարարը հանդիպել է Օմանի իր գործընկերոջ հետ՝ ԱՄՆ-ի հետ բանակցություններից առաջ
Քաղաքականություն
06.02.2026 | 12:24
Իրանի արտաքին գործերի նախարար Աբբաս Արաղչին Մասկատում հանդիպել է իր օմանցի գործընկերոջ հետ՝ Իսլամական Հանրապետության միջուկային ծրագրի շուրջ ԱՄՆ-ի հետ Օմանի միջնորդությամբ կայանալիք բանակցություններից առաջ, գրում France 24-ը։
Արաղչին և Բադր ալ-Բուսաիդին «քննարկել են երկկողմ, տարածաշրջանային և միջազգային ամենակարևոր հարցերը», հաղորդում է իրանական Mehr գործակալությունը։
Օմանը միջնորդ է եղել Իրանի և Միացյալ Նահանգների միջև նաև 2025 թվականին կայացած միջուկային բանակցություններում։ Բանակցությունները դադարեցվել են, երբ Իսրայելն ԱՄՆ-ի հետ միասին 12-օրյա ռմբակոծություններ է սկսել Իրանի դեմ։
Իրանը և Միացյալ Նահանգները պատրաստվում են Օմանում բարձր մակարդակի բանակցություններ անցկացնել Թեհրանի միջուկային ծրագրի շուրջ, սակայն օրակարգի շուրջ վեճը, մասնավորապես, Թեհրանի հրթիռային ծրագրի շուրջ տարաձայնությունները ենթադրում են, որ առաջընթաց դժվար կլինի ձեռք բերել:
Իրանը հայտարարել է, որ ցանկանում է՝ արտաքին գործերի նախարար Աբբաս Արաղչին և ԱՄՆ Մերձավոր Արևելքի դեսպան Սթիվ Ուիթկոֆը Մասկատում քննարկեն միայն միջուկային հարցերը։
Թարգմանությունը՝ Էմմա Չոբանյանի
