07.09.2026 | 13:33
Պուտինը զանգահարել է Ալիևին․ քննարկվել են առևտրատնտեսական ու հումանիտար հարցեր
Բենզեման հեթ-տրիկի հեղինակ է դարձել «Ալ Հիլյալում» նորամուտի խաղում
06.02.2026 | 10:35
Ֆրանսիայի հավաքականի և Մադրիդի «Ռեալի» նախկին հարձակվող Կարիմ Բենզեմայի նորամուտը տպավորիչ է ստացվել «Ալ Հիլյալում»։
Սաուդյան Արաբիայի առաջնության 21-րդ տուրում Սիմոնե Ինձագիի գլխավորած թիմը մրցակցի խաղադաշտում 6:0 հաշվով հաղթել է «Ալ Օխդուդին», իսկ 38-ամյա Բենզեման դարձել է հեթ-տրիկի հեղինակ։ Նա խփել է հյուրերի առաջին երեք գոլերը։
2022թ․ «Ոսկե գնդակի» դափնեկիրն օրեր առաջ էր սաուդյան «Ալ Իթիհադից» տեղափոխվել «Ալ Հիլյալ»։ Ֆրանսիացին 2023 թվականից էր հանդես գալիս «Ալ Իթիհադում», որի կազմում անցկացրած 83 խաղում դարձել է 54 գոլի ու 17 գոլային փոխանցման հեղինակ։
Սաուդյան Արաբիայի ընթացիկ առաջնությունում Կարիմ Բենզեման 15 խաղում խփել է 11 գոլ ու կատարել 1 ասիստ։ «Ալ Հիլյալը» 50 միավորով գլխավորում է մրցաշարային աղյուսակը։
