09.07.2026 | 13:14
«Ասում են` քաղաքական հետապնդում, հակառակը՝ եղել է քաղաքական չհետապնդում». Փաշինյանը` Ծառուկյանի մասին․ ՏԵՍԱՆՅՈՒԹ
Թրամփը Փաշինյանին և Ալիևին «իսկապես լավ առաջնորդներ» է անվանել
Քաղաքականություն
06.02.2026 | 09:45
ԱՄՆ նախագահ Դոնալդ Թրամփը Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին անվանել է «իսկապես լավ առաջնորդներ»։ Այս մասին նա հայտարարել է Վաշինգտոնում Ազգային աղոթքի նախաճաշի ժամանակ ունեցած ելույթում՝ կրկին անդրադառնալով Հայաստան- Ադրբեջան հարաբերությունների կարգավորման գործընթացին։
«Մեկ տարվա ընթացքում ես ավարտել եմ ութ կատաղի պատերազմ, ինչպիսիք են Կամբոջայի և Թաիլանդի, Կոսովոյի և Սերբիայի, Պակիստանի և Հնդկաստանի, Իսրայելի և Իրանի, Հայաստանի և Ադրբեջանի պատերազմները»,- ասել է Թրամփը։
Նա կրկին նշել է, թե վաշինգտոնյան համաձայնությունների ստորագրումից հետո ՌԴ նախագահ Վլադիմիր Պուտինը զանգահարել է իրեն։
«Նախագահ Պուտինը զանգահարեց ինձ Ադրբեջանի և Հայաստանի հարցով։ Նա ասաց. «Ես տասը տարի աշխատել եմ այդ պատերազմի հետ կապված։ Ինչպե՞ս ես դա արել»։ Եվ ես դա արել եմ։ Երկու իսկապես լավ առաջնորդներ։ Նրանք միայն գիտեին, որ կռվում են միմյանց դեմ։ Նրանք կռվում էին միմյանց դեմ երկար տարիներ։ Դա էր ամբողջը, ինչ նրանք գիտեին, և մենք դա բավականին արագ լուծեցինք»,- հայտարարել է Թրամփը։
Թարգմանությունը՝ Էմմա Չոբանյանի
