Բուլղարիայի Բուրգաս քաղաքում այսօր մեկնարկել է մինչև 16 և 18 տարեկանների Եվրոպայի առաջնությունը։ Այս մասին տեղեկացնում են Հրաձգության ֆեդերացիայից։
10մ օդամղիչ հրացան մրցաձևում մինչև 16 տարեկան տղաների պայքարում Դավիթ Խաչատրյանը 414,7 միավոր արդյունքով նվաճել է ոսկե մեդալ։ Այս տարիքային խմբում Խաչատրյանը գերազանցել է նաև Եվրոպայի ռեկորդը։
Հայաստանի մյուս ներկայացուցիչների գրանցած արդյունքները ստորև՝
10մ օդամղիչ ատրճանակ սոլո մրցաձև.
Մ18տ. / Հայկ Սարգսյան – 9-րդ տեղ,
Մ18տ. / Արմեն Գևորգյան – 25-րդ տեղ,
Մ16տ. / Արտակ Ամիրյան – 13-րդ տեղ։
