13.05.2026 | 22:08
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
Բասկետբոլի Հայաստանի Մ16 հավաքականն իմացել է մրցակիցներին երևանյան ԵԱ-ում
05.02.2026 | 18:04
Գերմանիայի Ֆրայզինգ քաղաքում կայացել է բասկետբոլի Եվրոպայի մինչև 16 տարեկանների C դիվիզիոնի առաջնության վիճակահանությունը:
Հայաստանի Մ16 հավաքականը ընդգրկվել է B խմբում, որտեղ կմրցի Ջիբրալթարի, Անդորրայի, Մալթայի և Մոնակոյի թիմերի հետ, հաղորդում է ՀԲՖ մամուլի ծառայությունը։
A խմբում են Կոսովոյի, Ալբանիայի, Սան Մարինոյի և Մոլդովայի Մ16 հավաքականները։
Եվրոպայի C դիվիզիոնի առաջնությունը կկայանա 2026 թվականի հուլիսի 4-12-ը Երևանում:
Կայացել են նաև կանանց Եվրոպայի մինչև 16 և 18 տարեկանների C դիվիզիոնի առաջնությունների վիճակահանությունները։
Կանանց Հայաստանի Մ16 հավաքականն ընդգրկվել է B ենթախմբում, որտեղ կմրցի Ալբանիայի, Մոլդովայի և Ջիբրալթարի հավաքականների հետ։ Հանդիպումները կկայանան 2026 թվականի հուլիսի 7-12-ը Մալթայում։
Կանանց Հայաստանի Մ18 հավաքականը ևս հայտնվել է B ենթախմբում, որտեղ մրցակիցներն են Կոսովոյի, Վրաստանի և Ջիբրալթարի թիմերը։ Հանդիպումները կանցկացվեն հուլիսի 21-26-ը Կոսովոյում։
