06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Նոել Միքայելյանը ստացել է WBC-ի տիտղոսն ու չեմպիոնական մատանին․ ԼՈՒՍԱՆԿԱՐՆԵՐ
05.02.2026 | 13:48
Հայ բռնցքամարտիկ Նոել Միքայելյանը ստացել է պրոֆեսիոնալ բռնցքամարտի առաջին ծանր քաշային կարգում WBC վարկածով չեմպիոնի տիտղոսն ու մատանին։
Մեքսիկայում կայացած հատուկ ասուլիսի ընթացքում Միքայելյանին տիտղոսները հանձնել է WBC-ի նախագահ Մաուրիսիո Սուլեյմանը։
«Հպարտ եմ, որ հասել եմ մի նպատակի, որին քչերը կարող են հասնել։ WBC գոտին ամենահեղինակավորն ու պատմականն է։ Դրան արժանացել են այնպիսի մեծ չեմպիոններ, ինչպիսիք են Մուհամեդ Ալին և Մայք Թայսոնը։ WBC չեմպիոն դառնալը յուրահատուկ բան է»,- ասել է Նոել Միքայելյանը։
Հիշեցնենք, որ hայ բռնցքամարտիկը WBC վարկածով չեմպիոնի տիտղոսը վերադարձել էր դեկտեմբերին։ Լոս Անջելեսում կայացած ռևանշ մենամարտում 35-ամյա Միքայելյանը մրցավարների միաձայն որոշմամբ հաղթել էր շվեդ 42-ամյա բռնցքամարտիկ Բադու Ջեքին, որին պարտվել էր 2025թ․ մայիսին: Նոելը պրոֆեսիոնալ ռինգում անցկացրել է 31 մենամարտ, տարել 28 հաղթանակ և կրել 3 պարտություն։
