04.03.2026 | 21:43
Իրանի դեսպանը կանչվել է Թուրքիայի ԱԳՆ. նրան բողոք է ներկայացվել
1 մլն դրամ՝ 100 տարեկան և բարձր քաղաքացիներին
Հասարակություն
05.02.2026 | 13:08
ՀՀ կառավարության որոշմամբ 100 տարին լրացած կենսաթոշակառուներին և նպաստառուներին տրամադրվելու է 1 մլն դրամ միանվագ աջակցություն։ Նախագիծն ընդունվեց կառավարության այսօրվա նիստում։
Ըստ նախագծի՝ անձի 100 տարին լրանալուն հաջորդող ամսվա կենսաթոշակի կամ նպաստի հետ միաժամանակ կվճարվի 1,000,000 դրամ միանվագ գումար։ Որոշումն ուժի մեջ մտնելու պահին արդեն 100 տարին լրացած քաղաքացիները նույնպես կստանան այդ գումարն առաջիկա ամսվա վճարումների ցուցակներով։
Աջակցությունը չի տրամադրվի այն անձանց, ովքեր արդեն ստացել են նույն չափի օգնություն Երևանի ավագանու ծրագրով։ Հիմնավորման մեջ նշվում է, որ նախաձեռնության նպատակը ավագ սերնդի նկատմամբ երախտագիտության և հարգանքի դրսևորումն է՝ արժևորելով նրանց երկարամյա աշխատանքը, կենսափորձը և պետության ու հասարակության զարգացման մեջ ունեցած ներդրումը։
Կառավարության հաշվարկներով՝ 2026 թվականին ծրագրից կօգտվի 71 քաղաքացի, որոնցից 42-ը բնակվում է մարզերում։
Նարեկ Կիրակոսյան
